Pin Up Look  [ بان اب لوك ]

مسائكم ورد اخر الليل بنوتاتي ومداماتي الطرفونات،،
حبيبات قلبي بوست خفيف ع لوك سهل التنفيذ وسريع؛؛

101

  • بان اب لوك يعني مستوحي من الخمسينات والستينات يعتمد فقط ع رسمة الايلاينر يكون سوبر بلاك يعني اسود فاحم وع الروج لون الاحمر الفاقع جداً؛؛
  • خطوات سهله وبسيطه جداً اول شي رطبت وجهي كله بجل الاخضر من كريولاين وبعدين حطيت بيز ع جفن عيني لتوحيد اللون من انقلوت وبعدها حطيت كونسيلر=خافي عيوب تحت عيني من كريولاين العجله السداسي وثبته ب باودر شفافه من كريولاين وبعدين رسمت عيني من فوق ب جل ايلاينر انقلوت اسود فاحم رقمه 77 وكحلت داخل عيني من بلون ابيض فلورمار وظللت تحته ب لون بني غامق وركبت رموش من كريولاين تي في 5 رهيبات بجد وطبيعيات ع الاخر ودرت مسكره من برجوا توست للرموش السفليه والعلويه ورسمت حواجبي بجل انقلوت رقمه 15 وحطيت احمر خدود لون برونز ومشمشي من كركتر وبنفس فرشة احمر الخدود درت بيها ع جفن عيني شويه ظللت وحطيت اضاءه ع عظمة الخد فقط من قولدن روز؛؛
  • الروج هذا لونه فظيع احمر فاقع ويناسب اغلب لوكات المكياج يطلع الشكل حلو ويبيض السنون هو من برجوا واحد ملمع مطفي كولكشن فلفيت برجوا رقمه 01؛ والتاني روج ستك كولكشن روج ادتتون رقمه 34 وحتي هو مطفي ثباته 12 ساعه وصورتهم ف صورة البوست بجد ننصحكم ب ارواج برجوا خاصة مجموعة فلفيت رهههههيبه فيه منها مطفي وفي منها بلمعه وفيها 12 درجة لون وثباتهم عالي وما يخلوش الشفايف يتقشرو او يديرو طبقه مش حلوه وسعرهم مناسب مش غالي؛؛
  • العدسات من فرش لوك مع انهم عاديات جداً بس بصراحه عجبوني ع الاخر سواء ف الطبيعه او التصوير درجتهم عسلي (هاني) وانا شخصياً كانوا مريحات ف عيني سعرهم 18 دينار ليبي؛؛
  • ملاحظة مكياجي هذا كان ع شمعه لان الضي هرب وانا نمكيج وعندي مناسبه ف ان شاءالله يعجبكم؛؛

وبس حبيباتي اتمني الافاده للجميع اووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Integration by Acurax Wordpress Developers
error: Content is protected !!