سموكي ايز [ب ااالوان الترابيه ]

مسائكم ورد اخر الليل بنوتاتي ومداماتي الطرفونات،،
حبيبات قلبي بوست خفيف ع شني استخدمت للسموكي ب الالوان الترابيه،،

99

  • قبل كل شي ما تتقيدوش ب الماركات الي انا استخدمتها لان ب اي ماركة موجوده عندك ويكون فيها نفس الالوان تقدري تنفذي بيه نفس للوك بالزبط؛؛
  • بصراحه انا عشقي الالوان الترابيه بجميع درجاتها خاصةً ف المكياج ونحب نستخدم البرونز هلبا يعني الي لونها برونز تحمد ربي لان يديرو فيه بالفلوس للون هذا؛؛
  • الادوات الي استخدمتها بسيطه وسهله جداً وحتي مافيهاش خطوات هلبا لان تبو الحق انا نجرب ف مكياج جديد شريته؛؛
  • استخدمت بالنسبه للاظلال هو قلم واحد من كريولاين لونه بني غامق وتقدرو تختارو اي ماركة ترتاحو عليها بس خودو نفس اللون وحطيته ع كامل الجفن المتحرك وبعدين طفيت للون فوق القلم بلون ظل بني مطفي من نيكس ودمجت كسرة العين ب لون مشماشي من انقلوت باش يهدآ اللون وبعدين حطيت اضاءه ظل ابيض تحت الحاجب من لوريال وفي دمعة العين وكحلت داخل العين بكحل لونه ابيض من كريولاين وظللت الرموش السفليه بنفس الالوان الي حطيتها فوق جفن العين ورسمة عيني ب ايلاينر من نيكس؛؛
  • اخر خطوه ركبت رموش وطبعاً لاني شريتهم جدد ف حبيت نجربهم مع اني مش من الناس المهووسين بالرموش بس للتغير ولكن الناس الي تحب تلبس رموش ف المناسبات بصراحه ننصحكم وبقوووووووووووووة برموش كريولاين تي في 5 ابداااااااااااااااع زي ما تشوفو ف الصوره طبيعيات جداً ويعطوا شكل احلا للعين وللاظلال انا مش من عشاق الرموش بس حبيتهم خفاف ع العين ومريحات جداً تقيمي ليهم 9من10؛؛
  • بالنسبه للوجه مافيش خطوات صعبه عاديه جداً انا طبعاً ما نستخدمش ف كريم اساس وبس درت كريم ترطيب من كلين و كونسيلر=خافي عيوب من ماركة فلورمار تحت عيوني وجيهة جوانب الانف والشفايف وثبثت ب الباودر الشفافه بدون لون من كريولاين وحطيت احمر خدود بلون برونز هادئ من ماركة كركتر؛؛
  • بالنسبه للروج الي كل ف الانستا المتتابعين سئلوني عليه بنقوللكم حبيباتي هو من الاساس مش روج انا رسمت شفايفي بنفس قلم العيون البني الي حطيته فوق عيوني وطفيت للون حطيت فوقه قلوس مطفي من نيكس رقمه 19 لونه بني ع بينك خفيف؛؛
  • وزي ما قلتلكم تقدرو تستعملوا الماركات المتوفره عندكم بس تقدرو تاخدو الفكره ب الالوان المستخدمه؛؛

وبس برنسيساتي دومتم ب الف خير وصحه وعافيه اوووهبكم اموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!