بوست تشجيعي لمتتابعيني

معرض الصور
1 صور
بوست تشجيعي لمتتابعيني
75

أنا جميلة في كل حالاتي

ـ ‏انا جميله ف كل حالاتي‬ ـ

مساؤ تفاؤل وحب وسعاده بنوتاتي ومداماتي الطرفونات♡♡
البوست هذا لعضواتي الجميلات الحلوات يرايت تاخدو بنصيحه مني وخاصة للبنات الي ثقتهم مهزوزه ب انفسهم بنقوللهم انه؛؛

91

  • كل بنت اتحب نفسها اتكون احلا واجمل بنت مافيش بنت شينه او قبيحه بس ف بنت تعرف لنفسها وتبرز جمالها وف بنت ماتعرف لنفسها فتشوه جمالها لان لكل بنت ليها جمالها الخاص بيها ويميزها ع غيرها بشئ ماتقوليش ع روحك ابداً انا شينه انا قبيحه حولي الكلمات هادي من قاموس حياتك نهائياً وضيفي ف قاموسك.

“انا جميله اذا اهتميت انا جميله
اذا عرفت كيف نبرز جمالي وملامحي اكثر”

  • ب البدايه جميلاتي وحلواتي اذا ربي رزقك بنعمة الجمال ف لا تتكبري ولا تتغري ع غيرك ابتعدي ع الغرور وخليك انسانه متصالحه مع نفسك لان الحياة فانيه ونحن عليها فانيون كل شي ف الدنيا زائل ما باقي الا وجه الله الكريم وغدوه كلنا بنندفنو تحت تراب واحد مافيش حد بيندفن بتراب مرصع ب الماس يعني الكلمه الطيبه والابتسامه صدقه الي نبي نوصله هو الجمال الحقيقي جمال الروح خلي روحك حلوه ح تعكس ع جمالك الخارجي ب ايجابيه صدقيني؛؛
    خلي هدفك من اهتمامك ب جمالك هو ارضاء نفسك ثم نفسك ثم نفسك اولاً يعني لو مشيتي لعرس او حفله حطي مكياجك وديري شعرك ونسقي لبستك بمظهر حلو لنفسك انتي “لان لنفسك عليك حق” و لو بيكون هدفك ارضاء الناس صدقيني ح تتعبي اكثر ف إرضاء الناس غاية لاتدرك وماتقدريش ترضي جميع الاذواق والعقليات اكيد بيختلفو عليك اتنين وكل مازاد عليك الاختلاف اذكري انك مميزه بشي فلهذا ما تخلي ارضاء الناس هو من اهدافك الاوله ولا تخلي التعليقات السلبيه تآثر فيك خليك “ياجبل مايهزك ريح” يعني شوفي انتي شخصياً الي مش عاجبك ف نفسك تحاولي تغيريه للاحسن وللافضل لو عندك مشكله ف بشرتك او شعرك عالجيه امشي جيبي منتجات لبشرتك وغيره واختاري الشي المناسب ليك ما تاخديش ب رآي حد يعني لو واحده قالتلك ما مشاش معاي المنتج كذا مش شرط حتي انتي ما يمشيش معاك لان مرات الي ما يناسب غيرك يناسبك والي يناسبك ما يناسب غيرك؛؛
  • لو انتي من النوع الي ينسا ديري جدول لآسبوعك وانتي رايقه تلقي نفسك منظمه وماشيه ع ستتم طوال الاسبوع حلو غيري روتينك جددي حياتك ونشاطك حتي ب اشياء بسيطه بتغير اثاتك ف البيت ماتخليكش روتنيه زياده عن للزوم مش مايصير ف حياتك اي ملل او رتابه تلقي روحك متجدده وفرش ع طول غيري من للوك امتاعك ب قصة شعر صبغه حطت المكياج للبس خليكم حيويين ع طول ديما خليك متفائله ب ان الي جاي احسن ليك وانه ربي مرات يختبر فينا ب المحن الي نمرو فيها ف حياتنا ولمراجعة انفسنا اكثر خليك مرحه وبشوشه مع الغير ما تحاوليش اتعكري مزاجك ع اتفه الاسباب وع طول اضحكي لان الضحك يصغر ويطول ف العمر حبي نفسك اولاً واذكري انه الكمال لله وحده واحمدي ربي ليل ونهار ع النعمه الي عايشه فيها لان مرات الي عندك غيرك يتمنا فيه؛؛
  • يعني نبي كل واحده تردد تقول انا جميله وطرفونه ف كل حالاتي والي مش عاجبه يشرب من البحر ايوا،،

عن نفسي انا انحبكم ف لله و القروب اصبح من اساسياتي ف الحياة وعيلتي التانيه لان نعتبر فيكم اخوات ليا ونتمنا لكل عضوه معانا كل السعاده وراحة البال والخاطر دومتم بود حبيباتي اوووووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Widget Powered by Acurax Web Development Company
error: Content is protected !!