‏مصحح لون صبغة الشعر‬

[ ماركة فارميتا ]
مسائكم ورد بنوتاتي ومداماتي الطرفونات،،

حبيبات قلبي بوست اليوم مهم للكل بدون استثناء لان الاسئله الي تجيني منكم ع لون صبغة الشعر الزيتوني من كثرها قريب نقلب لزيتونه ب اذن الله ح يفيدك البوست هذا بس للامانه المعلومه هادي خديتها من صديقي وخوي مصعب الي يشتغل ف محل كريولاين؛؛
90
  • قبل كل شي بنقوللكم معلومه الي انا اول مره نعرفها وحبيت انفيدكم بيها هي زي ما في مصحح لون البشره ف المكياج اكتشفت في مصحح ل لون صبغة الشعر قريب 5الوان مصححه للامانه مش حافظتها كلها بس الي عرفته حتي من الادمن الي معاي دودي انه ف كدا درجة مصححه ل لون صبغة الشعر به شني وظيفته وعلاش يستخدمو فيه المزينات؟؟
  • وظيفة مصحح الشعر هاذي انه اطلعلك درجة للون مزبوطه بدون مايقلب لآحمر نفهمكم اكثر يعني توا زي المصحح الي ف الصوره من ماركة فارميتا لونه اخضر داكن وظيفة للون هذا انه يطلعلك درجة للون زيتوني بدون ما يقلب ع لمعة الاحمرار او السفناري بس مش هو الي تصبغي بيه كله لالا هو يتخلط ك لون مساعد مع صبغتك الي بتصبغيها؛؛
  • انا صبغت من اسبوعين فاتو درجة التشكلط نفس لون الشكلاطه بالزبط بدون مايكون فيه لمعة الاحمر خديت رقمي من لوريال 5.15 وخلطت معاها عصره واحده من المصحح وصبغت فعلاً للون طلعلي نفس الباكو بالزبط تشكلط ع زيتوني غامق ف الشمس بصراحه للون عجبني هلبا لان بشرتي من البشره الصفراء ومايطلعش عليا درجات الالوان الفاتحه تزيدني شحوب ونبان زي المريضه؛؛
  • بس الي تبي تصبغ لون فاتح او درجة الزيتوني الفاتح قبل كل شي ضروري يكون لون شعرك فاتح او تستخدمي السحب اللون او تفتيح بس ما ننصح بيه نهائي لان يدمر الشعر تماماً وبعدها تقدري تاخدي من الدرجات الفاتحه صبغة لوريال رقم 8/9/10 هادو افتح درجات فيها وتقدري تخلطي معاها المصحح عصره واحده فقط ما تكثروش لان للون ح يولي غامق؛؛
  • والمصحح لما بتمشي لاي محل مكياج قوليله نبي مصحح لون الصبغه الي لونه اخضر وسعره مش غالي حوالي 4.5 دينار ليبي؛؛
  • انا شخصياً ماعنديش خبره ف تركيب الوان الصبغه لان بصدق مش مهتمه بيها ابداً انا نصبغ مره او مرتين فقط ف السنه كلها فلهذا ساد عليا نعرف مايخص المكياج والاهتمام بالبشره؛؛
وبس فلذات تشبدي اتمني معلومه مفيده للجميع دومتم ب الف خير وصحه اوووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!