الباودر الشفافه‬

[ ترانسبرت باودر ]
مسائكم فل بنوتاتي ومداماتي المزموزات؛؛
حبيبات قلبي بوست خفيف ع انواع الباودر وافضل نوع باودر تستعملوه؛؛
88
  • اول شي نبي انقوللكم فيه تقريبا 5انواع من الباودر هي:
  1. لوس باودر=تعني البودره الحره او السائبه و تجي بعدة الوان ودرجات وتناسب جميع انواع البشره؛؛
  2. كومباكت باودر=تعني البودره المضغوطه يعني الي تجي مابين كريم الاساس والبودره وتناسب اكثر شي البشره الدهنيه والمختلطه؛؛
  3. الباودر العاديه والمتعارف عليها واغلبيه تناسب جميع انواع البشره؛؛
  4. ترانزشن باودر=تعني البودره المتحوله يعني بمجرد ماتحطيها ع بشرتك تاخد لون ودرجة بشرتك ع طول ويستخدمو فيها اكثر شي للاضاءه تحت العين وتناسب اغلب انواع البشرات؛؛
  5. ترانسبرت باودر=تعني البودره الشفافه الي انا ننصح بيها هلبا لجميع انواع البشره علاش ننصحكم بيها لان عديمة اللون وظيفتها فقط لثبيت الاساس والكونسيلر بس ما تغيرش من لون كريمة الاساس امتاعك ولا من الكونتور يعني لو انتي من عشاق الكونتور ننصحك بالبودره الشفاف هي اثبت الكونتور بدون ماتغير ولا تخفف من لونه انا بصراحه نحب نستعمل البودره الشفافه لان بشرتي صافيه بس حتي الي بشرتها فيها عيوب تستخدم الاساس يكون فل كفر واثبت بالباودر هادي بمعني هي نوعها خفيف ما اديرش تكتلات ع وجهك بالعكس تبين بشرتك طبيعيه وناعمه اكثر وتخليكم تتفادو لقطة انه تاخدي درجة بودره افتح منك او اغمق منك وتعطيك فنش مش حلو لوجهك يبان مجير او يقلب للون ع رصاصي فلهذا ننصحكم تستخدمو البودره الشفافه بدون لون انسب خيار ليكم وفي كدا ماركة ممتازه للبودره الشفافه منها،،
    ـ لورامارسيه -شنايل -بن ناي -كريولاين -نيكس- ريميل لندن-جفنشي -ميبلين وكدا ماركة ممتازه؛؛

  • انا حطيت لصورة البوست كدا ماركة للباودر الشفافه منها لورامارسيه-بن ناي- نيكس- ريميل لندن،، وصورت بودرتي الحالي الي نستعمل فيها من ماركة اتش&ام خفيفه ع الاخر بدون لون وبصراحه مرتاحه عليها؛؛
وبس مزموزاتي اتمني الافاده للجميع دومتم بصحه وعافيه اوووهبكم اموووا

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Integration by Acurax Wordpress Developers
error: Content is protected !!