غسول المهبلي

صحه غداكم جميلاتي بنوتاتي ومداماتي،،
حبيبات قلبي بوست خفيف ع افضل غسول مهبلي استخدمته هو من ماركة (سيباميد)؛؛

87

  • قبل كل شي خلي نعطيكم نبذه ع الماركة هادي وشني الي يميزها ع الماركات التانيه ماركة (سيباميد) هي من افضل الماركات الطيبه ممتازه ف كل منتجاتها سواء للبيبي او للكبار الماركه هادي صناعه المانيه تناسب جميع البشرات فيها خاصية او ميزه تميزها ع باقية الماركات الطبيه هو عامل ph البي اتش معناه المقياس الآس الهيدروجيني للبشره بمعني ان كل منتجات سيباميد متطوره بدقه متناهيه للمحافظه ع البشره لان تمتاز منتجاتها بقيمة توازن الاحماض ف البشره الطبيعه 5.5 تحافظ ع بشره صحيه ومستحيل تسببلها اي تحسس او هيجان لان تحافظ ع العامل الهيدرولوجي الطبيعي للبشره ويحميها من الارهاق والاجهاد المناخي؛؛
  • عن نفسي انا هو افضل غسول مهبلي استخدمته من ماركة (سيباميد) وننصحكم بيه هلبا لان لا يسبب اي تحسس ولا هيجان زي الغسولات التانيه وهو غسول طبي وليس تجاري خالي من الكحول تماماً؛؛
  • طريقة استعماله هو تصبي قطرات منه ف قردل الي هو سطل او دلو ميه صغير وتخلطيه كويسه بعدين تغسلي بيه المنطقه تخليه 5دقايق وبعده مصمصي بالميه فقط وامسحي كويس المنطقه بالنسبه للبنوته تستخدمه مره واحده فقط ف الاسبوع اما للمدام يستخدم 3مرات ف الاسبوع يعني يوم بعد يوم لان ف بكتيريا نافعه ف المنطقه الحساسه ما نبوش نقتلوها ونضرو انفسنا اي الاهتمام الوسطي بالمنطقه لا افراط ولا تفريط؛؛
  • انا شريته من برا ليبيا بس متوفره الماركه هادي ف طرابلس صيدلية ذات الصواري سعره ما بين 15/20 دينار ليبي ويكفيك حجمه لان انتي بتاخدي منه بضع قطرات؛؛

وبس حبيبات قلبي اتمني الافاده للجميع دومتم بخير اوووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!