تكنيك سموكي ايز [ للعيون الصغيره ]

مسائكم فل وياسمين اخر الليل بنوتاتي ومداماتي الطرفونات،،
حبيبات قلبي بوست خفيف ع تكنيك سموكي للعيون الصغيره لان هلبا نسآلت ع الموضوع هذا وان شاءالله نقدر انفيدكم؛؛

81

  • في ناس اتقول انا عيني صغير ومستحيله اندير مكياج سموكي بيزيد يصغرها انقوللها صح كلامك ف حالة استخدمتي السموكي بطريقه غلط لعينك يعني مثلاً ابسط مثال من الفنانات الي عيونها صغيره واغلب الاحيان مكياجها سموكي هي نانسي عجرم عيونها صغار وديما ادير ف لوكات بالسموكي مع تغير الالوان؛؛
  • بس العين الصغيره ليها تكنيك معين ف السموكي هو لما تبو اديرو سموكي او الوان غامقه ما تحطوها من بداية او نص بؤبؤ العين لان بيزيد يصغرها ولكن ديما حطوها ف نهاية العين وادمجوا الالوان مع بعض كويس،،
  • تاني شي انه ع طول العين الصغيره تكحل داخل العين ب اللون الابيض او البيج النود درجات اللحميه او الذهبي او الفضي باش يعطيها مساحه ويفتح العين اكثر واكثر؛؛
  • ثالث شي بعد ما تكحلوا ب لون يكون من الفواتح زي صورة البوست مكحله ب الابيض وامدايره تمويه ب الاظلال تحت رموشها السفليه باش يعطي افيكت العين اكبر؛؛
  • رابع شي الرموش خطوه مهمه وضروريه خاصةً ف اللوك السموكي لانها تزيد توسع وتكبر العين بس اختارو رموش نوعيه كويسه ما يكونش شكلها زي المكنسه لا اختارو نوعيه كويسه اما الناس الي ماتركب ف رموش اذاً ركزو ع المسكرة وكثفوها كويس؛؛

وبس فلذات تشبدي اتمني الافاده للجميع اووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!