مساؤ جميل اخر لليل بنوتاتي ومداماتي الحلوين،،
حبيبات قلبي بوست سريع ع تكنيك اللون الانتقالي ف ظل العين وشني فايدة التكنيك هذا لحطت الظلال ع العين؛؛
- معني للون الانتقالي ف الظل هو ينقل الوان الظل من الفاتح للغامق او العكس صحيح ف حالة للوك كان كات كريس بمعني اكثر للون الانتقالي الي عليه دائره حمراء ف صورة البوست هو الي ح يدرجلك الوان ظلالك باش يعطيها شكل حلو للعين؛؛
- لو تلاحظو انه معظم للوكات الي يديرو فيها الارتست اول شي تبدآً ب برايمر للعين وبعدين اضاءه تحت الحاجب وبعدين اللون الانتقالي لان هو الاعتماد الاساس ع الاظلال امتاعك هو الي بينقلك الظل من اللون الفاتح للغامق او العكس باش يبان تدرج الالوان الحلوه ف ظلال،،
- به شني الالوان الي تستخدم ك لون انتقالي بنقوللكم يعتمد اللون ع حسب للوك او الظلال الي بتستخدميها بس اغلب الاحيان لون الانتقالي ديما يكون ف درجات الكراميل الهادئ البني الهادئ الوردي الي جايه ع نود الي هي الالوان اللحميه او المشماشي الهادئ لان انتي بتنقلي الالوان بالتدرج فلهذا يكون لونه هادئ مش قوي؛؛
- مكانه للون الانتقالي هو فوق كسرة العين وتحت عظمة الحاجب نفس صورة البوست بالزبط تحطيه وتدمجيه كويس بعدين ركبي الوان ظلالك بالتدرج وع حسب للوك الي تبيه طبعاً؛؛
وبس فلذات تشبدي اتمني الافاده للجميع دومتم بخير اووهبكم امووواه..
