تكنيك اخفاء الجفون المنتفخه [بالمكياج]

مساؤ ورد بنوتاتي ومداماتي الطرفوناتي،،
حبيبات قلبي بوست ع السريع لتعليم تكنيك اخفاء انتفاخ الرموش السفليه لان جتني هلبا اسئله عليها ان شاءالله نقدر انفيدكم،،
82
  • في نوعية من الناس وخاصةً الي كبيره ف العمر يصيرلها انتفاخ تحت رموشها السفليه نفس صورة البوست وهذا ليه عدة اسباب طبياً وفي الي طبيعة بشرتها هكي من الاساس،،
  • بالنسبه ك علاج طبيعي يخفف من المشكله هادي ننصحكم بكمادات عصير الخيار وتكون مثلجه يعني ارحي الخيار وصفيه وخودي العصير امتاعه وحطي القطن المدور ف العصير هذا يتنقعوا وبعدها لفيها بكسية لحم وحطيها ف الفريز اثلج وكل يوم خودي 2قطن بعصير الخيار حطيها تحت عينك لمدة 15دقيقه ح تخفف من الانتفاخ والهالات الي سببها الارهاق والارق؛؛
  • بالنسبه ك علاج طبي لتخفيف الهالات هادي ف كدا منتج مشكور بس عن تجربتي انا استخدمت من ماركة فيشي رول اون كولكشن اكواليا ممتاز جداً يخفف من الخطوط الي تحت العين والانتفاخ؛؛
  • اما ناحية اخفاء الانتفاخ هذا بالمكياج ننصحكم اتابعو الارتست هدي القطان لان حتي هي عندها لقطة الانتفاخ وتخفي فيهم بحركة السموكي الي تحت الرموش السفليه يعني زي صورة البوست تموهي او ظللي الانتفاخ هذا بلون يكون غامق شوي باش يختفي تماماً واسهل طريقه انك تضحكي ح يبان عليك الانتفاخ الي تحت الرموش موهي بالفرشه هذا الانتفاخ وب اذن الله ح يختفي تماماً بشكل مؤقت؛؛

وبس مزموزاتي اتمني الافاده للجميع دومتم متآلقات اوووهبكم امووواه.

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!