مساؤ ورد وفل بنوتاتي ومداماتي الطرفونات،،
حبيبات قلبي بوست خفيف ع استخدامات القلم الابيض والاماكن الصحيحه الي ينحط فيها ع العين؛؛

• قبل كل شي بنقوللكم القلم الي لونه ابيض او بيج نود هذا مهم جداً ف استخدام المكياج وضروري يكون من ضمن مشتريات مكياجك،، 

‏الاستخدامات  [  ح نشرح حسب صور البوست]

1. اول استخدام للقلم الابيض واهمه انه تقدري تستعمليه ك بيز للعين بمعني ف حالة تبي ظلالك الوانها قويه وتتبث معاك تقدري تحطي القلم الابيض ع كل جفن عينك وتدمجيه كويس بعديت تركبي الوان الظلال امتاعك وصدقوني فرق هلبا لما تستعملوه تحت الاظلال يبين الوانها اكثر ويعطيك افيكت حلو للعين؛؛
2. تاني استخدام هو تكحيل بيه داخل ب الاخص الي عينها صغيره ضروري تكحل ب الابيض او الالوان الفاتحه باش تعطي وسع ويفتح العين اكثر ويبين العين اكبر وتقدر تستعمله حتي الي عينها كبيره وااظلل تحته ب اي ظل يكون لونه غامق يطلع الفنش امتاع العين احلا واحلا وع فكره تقدرو تستخدمو لون البيج النود الي هو اللحمي مازال الفنش امتاعه احلا من للون الابيض وبصراحه احلا لون بيج نود استخدمته وشمعي هو قلم انقلوت رقمه 05؛؛

3. ثالث استخدام نفس صورة البوست هو تقدرو تستخدموه للتكحيل داخل العين او اضاءه تحت الحاجب واضاءه ف دمعة العين وتقدرو تختارو لون ابيض يكون مطفي او ب لمعه طبعاً ع حسب الذوق الامر مخير ليكم؛؛

4. رابع استخدام هو تقدرو تكحلوا حاجه بسيطه نهاية العين نفس صورة البوست الي عليها سهم اللقطه هادي تكبر العين وتفتحها اكثر والي عيونها ناعسه تفيدها الحركه هادي لان ترفع من العين؛؛

• افضل ماركات استخدمتها ف الكحل الابيض بالنسبه ليا هي انقلوت-ماكس فاكتر -فلورمار -ميكب فورايفر -برجوا -فورايفر52 وفي كدا ماركه ممتازه؛؛

  وبس غالياتي اتمني الافاده للجميع دومتم متآلقات اوووهبكم امووواه..