أسهل طريقه لرسم العين

مسائكم ورد وفل وياسمين بنوتاتي ومداماتي الطرفونات،،
حبيبات قلبي بوست خفيف ع اسهل تكنيك لرسم وتحديد ظل العين،،
79
  • الطريقه سهله وبسيطه زي ما تشوفو ف صورة البوست امدايره نهاية العين والحاجب لصقه الناس المبتدئه ف رسم الايلاينر الطريقه هادي ح تفيدها هلبا وتتعلم عليها رسم الايلاينر بس ع فكره مش المبتدئه فقط حتي الارتست لما يبو سموكي ايز نظيف يديرو فيها للقطه هادي هو ف لصقه خاصه للمكياج بس مش متوفره ف ليبيا ولكن عادي حتي لصقة الجرح او العاديه تآدي الغرض،، 
  • انك تاخدي لصقة بس قبل ما تحطيها نهاية عينك حطيها ع ايديك كدا مره باش تاخد هواء وما تكونش للصقه قويه ع جلدة العين لانها رقيقه وحساسه وحطوها ف نهاية الحاجب نفس مكان الصوره بالزبط؛؛ 
  • اكيد توا بتسئلوني ع افضل ايلاينر وقلم كحل بنقوللكم بدون ما تصدعو راسكم وتقعدو ادورو هلبا خودو جل ايلاينر من انقلوت رقمه 77 لونه اسود فاحم وثابت طول الوقت وع فكره تقدرو تكحلوا بيه حتي داخل العين لان مصنع بالمواد الطبيعيه وسعره مش غالي 20 دينار ليبي ويقعد معاك يسدك لان كميته هلبا،،
  • اما بالنسبه لافضل كحل عين جربته وثابت هو انقلوت رقمه 01 وسعره تقريباً ف حدود 20 دينار ولكن الي تستعمل ف اي ماركة تانيه ومرتاحه عليها تستمر عادي بس انا حددت نوع وماركة واحده باش تقعدوش ادورو وتلفوا لان ماركة انقلوت عندهم وكيل هكي كبره موجود ف طرابلس وفروع منهم ف بن عاشور وحي الاندلس والسياحيه،، 
  • اما تكنيك التاني هو طريقة استخدام فرش الايلاينر الصحيحه ف بداية ونهاية العين هو لما تبي ترسمي عينك من البدايه ارسميها بفرشة الايلاينر الضعيفونه ولكن ف حالة تبي ترسمي الوندنق او جناح الايلاينر نهاية العين ارسمي بفرشة المشطوبه او الي مايله نفس صورة البوست باش يجيك الفنش امتاع الرسمه مزبوط وما تتلبزيش؛؛

وبس برنسيساتي اتمني الافاده للجميع دومتم ب الف خير وصحه اوووهبكم امووووا….

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Icons Powered by Acurax Web Design Company
error: Content is protected !!