كوني اكثر ذكاء لتسوق مكياجك [عالم الماركات]

معرض الصور
20 صور
كوني اكثر ذكاء لتسوق مكياجك [عالم الماركات]
75

كوني اكثر ذكاء لتسوق مكياجك [عالم الماركات]
76

كوني اكثر ذكاء لتسوق مكياجك [عالم الماركات]
77

كوني اكثر ذكاء لتسوق مكياجك [عالم الماركات]
167

كوني اكثر ذكاء لتسوق مكياجك [عالم الماركات]
168

كوني اكثر ذكاء لتسوق مكياجك [عالم الماركات]
169

كوني اكثر ذكاء لتسوق مكياجك [عالم الماركات]
170

كوني اكثر ذكاء لتسوق مكياجك [عالم الماركات]
171

كوني اكثر ذكاء لتسوق مكياجك [عالم الماركات]
172

كوني اكثر ذكاء لتسوق مكياجك [عالم الماركات]
173

كوني اكثر ذكاء لتسوق مكياجك [عالم الماركات]
154

كوني اكثر ذكاء لتسوق مكياجك [عالم الماركات]
158

كوني اكثر ذكاء لتسوق مكياجك [عالم الماركات]
159

كوني اكثر ذكاء لتسوق مكياجك [عالم الماركات]
160

كوني اكثر ذكاء لتسوق مكياجك [عالم الماركات]
161

كوني اكثر ذكاء لتسوق مكياجك [عالم الماركات]
162

كوني اكثر ذكاء لتسوق مكياجك [عالم الماركات]
163

كوني اكثر ذكاء لتسوق مكياجك [عالم الماركات]
164

كوني اكثر ذكاء لتسوق مكياجك [عالم الماركات]
165

كوني اكثر ذكاء لتسوق مكياجك [عالم الماركات]
166

 مساؤ ورد وفل وياسمين بنوتاتي ومداماتي الطرفونات،،

حبيبات قلبي بوست اليوم مهم جداً جداً جداً ليكم وح يسهل عليكم انكم تشرو مكياجكم بطريقه احترافيه وذكاء واقل ثمن وجوده ممتازه؛؛

60

  • قبل كل شي خلي نفهم نقطه مهمه جداً ليكم والي انا شخصياً انعاني منها ف القروب وتجيني اسئله عليها للاسف مرات مانقدر نجاوب اجابه كافيه ف التعليقات بس البوست هذا ح نجاوب اجابه كافيه وافيه ع الي يسئلوا فيا ديما يا جود قولينا احسن ماركة كريم اساس او مكياج او اي منتج يخص الميكب؟؟؟
  •  نبي نجاوبكم انه سؤالكم هذا غلط ف حد ذاته والي يعرف ويفهم كويس ف عالم الميكب والبراند او الماركات ح يفهم كلامي مزبوط يا غالياتي ما فيش حاجه اسمها ف عالم المكياج انه هذا احسن ماركة كريم اساس او هادي احسن ماركة مكياج ف العالم مافيش الكلام هذا افهموا كويس انه كل ماركة معينه من المكياج تتميز بمنتجات معينه وع فكره يعني مش شرط الي يمشي معاك انتي يمشي مع غيرك والعكس صحيح لا حبيباتي كل ماركات المكياج ممتازه وجودتها حلوه ولكن كل ماركة تلقيها تتميز ع غيرها بشي ف ماركات ف كل منتجاتها ممتازه وفي ماركات تلقيها نص بنص وهكذا يعني كلمة احسن ماركة واحسن منتج هذا غلط ضروري نغيرو ونجربو مره واتنين ونطلعوا ونسئلوا باش نعرفو الي يناسبنا بالزبط الحياة تجارب وتجربه عن تجربه تطلعي منها بفايده وبفكره وب انطباع معين ع اي منتج من اي ماركة استخدمتيها؛؛ 
  • تاني نقطه وهي مهمه جداً يا عزيزاتي انه مش كل الماركات الغاليه يعني ممتازه ف منتجاتها ومش كل الماركات الرخيصه ممتازه ف منتجاتها بمعني مش شرط انك تشري ماركة غاليه باش تعرفي اديري مكياجك لا غلط زي ماقلت كل ماركه سواء رخيصه او غاليه تاخدي منها الي ينفعك والي ناسب بشرتك؛؛

  • ثالث نقطه وهي  نبي نفهكم انه ف عالم المكياج والماركات العالميه هي تنقسم لنوعين : 

    ـ نوع يسمي بالماركات الهاي اند ( High end brands)
    يقصد بيها الماركات الغاليه جداً والمعروفه ع مستوي عالم وليها اسمها وثقلها ف عالم المكياج وما تتوفر ف اي ف مكان مثلاً زي ماركة شنايل- ديور-جفنشي-استي لودر-ماك-لانكوم-نارس-بينفت-بوبي براون-ميكب فورايفر-ميكب قيق- ايف سان لوراين-كلارنس-كلينك-فرساتجي-سماش بوكس-جورجيو ارماني وغيرها من الماركات الغاليه؛؛

    ـ النوع التاني يسمي بالماركات الدرق ستور ( Drugstore makeup brands)
    يقصد بيها الماركات الرخيصه اسعارها من زهيده لمتوسطة الثمن وخياراتها من ناحية التعليب ودرجات الالوان اقل من الماركات الغاليه وتلقوها متوفوه ف كل مكان محلات المكياج الصيدليات والمولات الكبيره وع فكره مش معني انه سعرها رخيص يعني ماتنفعش ع العكس تماماً جودتها ممتازه وسعرها احلا وتقارن بالماركات الغاليه يعني زي ماركة لوريال-برجوا-ريميل لندن-ميبلين-ماكس فاكتر-ريفيلون- نيكس- كراجا- فلورمار- انقلوت- كريولاين- ديبورا- فورارتشي-كركتر- فورايفر52 وغيرها من الماركات الرخيصه؛

  • توا بتقولو شني نقصد بالكلام هذا الي نبي نوصله ليكم هو ف عالم المكياج هذا كله اغلبية الماركات العالميه خلي انقول 75% يمتلكوها شركتين عالميه فقط هي شركة لوريال وشركة استي لودر؛؛

  • الي نقصده انه الناس الي دخلها محدود مش شرط عليك تشري مكياجك من ماركة غاليه باش تكوني بروفشنال ف مكياجك واي واحده اتقولك غير هكي افهمي انها خاشه ع عالم الماركات بالمقلوب وجديده فيه يعني حبيباتي تقدرو تشرو مكياجكم بماركات رخيصه وبنفس جودة الماركه الغاليه بتقولو هادي شني تعبر عن شعورها بنقوللكم ح نفهكم بالزبط معني كلامي ب الاثبات؛؛

  • زي ماقلتكم انه عالم المكياج يمتلكوه شركتين ع مستوي عالم والشركتين هادي تمتلك اكبر واجود الماركات العالميه والرخيصه والغاليه يعني لما ماركة غاليه زي مثلاً شنايل تنزل منتج ف السوق تلقوا حتي ماركة برجوا منزله منتج مشابه لنفس ماركة الشنايل بالزبط وبدليل ع كلامي الي مجرب احمر خدود ماركة شنايل الكريميه والي مجرب احمر خدود ماركة برجوا نفس النتيجه بس ب اختلاف التعليب والسعر ولكن نفس الافيكت بالزبط لان شركة برجوا تمتلك ماركة شنايل شوفتوا وين الصدمه؟؟

  • الصدمه انه الشركات العالميه تقدر تضحك ع عقول الناس ويسوقوا لمنتجاتهم ع انهم افضل واحسن المنتجات ولكن لما تجو تبحثوا ع مكونات المنتج الغالي تلقوه مشابه او نفس مكونات المنتج الغالي لان هي نفس الشركه المالكه الي تصنع ف الماركتين الرخيصه والغاليه بس هما مصنعين ماركات غاليه للناس الي دخلها عالي ومشاهير ومصنعين ماركات رخيصه او متوسطه للناس الي دخلها محدود وما تقدر تشري من الغالي؛؛

  • الصدمه انه الشركات العالميه تقدر تضحك ع عقول الناس ويسوقوا لمنتجاتهم ع انهم افضل واحسن المنتجات ولكن لما تجو تبحثوا ع مكونات المنتج الغالي تلقوه مشابه او نفس مكونات المنتج الغالي لان هي نفس الشركه المالكه الي تصنع ف الماركتين الرخيصه والغاليه بس هما مصنعين ماركات غاليه للناس الي دخلها عالي ومشاهير ومصنعين ماركات رخيصه او متوسطه للناس الي دخلها محدود وما تقدر تشري من الغالي؛؛

  • به بتقولو احنا كيف بنعرفو شركات الماركات الي تمتلك الماركات ,الرخيصه والغاليه انا ح نقوللكم ع بعض الشركات الي تمتلك الماركات العالميه سواء كانت رخيصه او غاليه بحسب خبرتي المتواضعه جداً وطبعاً بحثي المستمر لان متابعه بهوس لعالم الماركات؛؛

  • بالنسبه لشركة لوريال تمتلك من الماركات هي:
    ذا بودي شوب-جورجيو أرماني- لانكوم-ميبلين-فيتشي- هيلينا روبن ستاين-قارنييه-بايوديرما-لاروشيه-بايوميدك-كيس- ريدكين؛؛ 

  • اما شركة استي لودر تمتلك من الماركات هي:
    كلينيك- بوبي براون-ماك – جون مالون-أمريكان بيوتي-مايكل كورس-ستيلا-أراميس-بلام بمبامبو-أفيدا؛؛

  • شركة بروكتر أند قامبل تمتلك من الماركات هي:
    كفر قيرل-ماكس فاكتر-بانتين-كلڤايل؛؛ 

  • شركة لويس فيتون تمتلك من الماركات : ديور-جيرلان- جيفنشي- بنيفت- ميكب فور إيفر-سيفورا؛؛

  • شركة جونسون تمتلك من الماركات:نيوترجينا- كلين آند كلير-آفون-روك؛؛

  • شركة كوتي تمتلك من الماركات : أوبي آي– ريميل لندن-سالي هانسون- أديداس-بلي بوي- روبيرتو كافالي-مارك جيكوبز و معظم عطور المشاهير زي جينفر لوبيز-بيونسي-كيت موس- هيل بيري- ليدي قاقا-فكتوريا بيكام؛؛ 

  • وغيره من الشركات العالميه الي تمتلك ماركات رخيصه وغاليه يعني لما بتشرو مكياج ابحثوا ع الشركات المالكه للماركه الي بتاخدو منها تسهل عليكم المعلومه اكثر من ناحية جودة المنتج او سعره؛؛ 

  • وفي طريقه تانيه تقدرو تبحثوا بيها ع القوقل او الانستا او اليوتيوب هي لما مثلاً بتقارنو منتجات ماركات مع بعض زي ارواج ماك شني بديلها وارخص وتعطي نفس النتيجه هي ارواج نيكس وفلورمار وريفيلون قريبه هلبا ع ارواج ماك والدرجات فيهم متقاربه؛؛

  • وانسهل عليكم المعلومه اكثر اكتبوا البحث كلمة (dupe) يعني البديل تكتبوا ماركة ماك دوب (mac dupe) ح يطلعلكم البديل الارخص وبجوده مقاربه لماركة ماك؛؛ 

  • بالطريقه هادي تشرو مكياجكم بطريقه ذكيه واقتصاديه اكثر وف نفس الوقت بجوده ممتازه؛؛ 

  • ح نزلكم صور لمنتجات ماركات غاليها وما يقابلها من بديل ف الماركات الرخيصه؛؛ 

    وبس برنسيساتي صح بوست طويل بس حاولت انوصل المعلومه بطريقه مبسطه ومفيده ليكم اوووهبكم اموووواه؛؛

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!