[ الالوان الشتويه ازرق ملكي ]
مساؤ ورد بنوتاتي ومداماتي الطرفونات؛؛
حبيبات قلبي الصوره هادي نزلتها عضوه معاي وحبت نشرح ع خطوات اللوك اكثر وان شاءالله نقدر انفيدها ؛؛
للوك هو سموكي بدرجات الازرق الملكي هو للون الي طاغي ع للوك بس طريقة اللوك تسمي بالسندوش علاش التشبيه هذا لان لو تلاحظوا صورة اللوك هو غامق من بداية الجفن ونهاية الجفن والوسط يكون فاتح ف استوحاء التشبيه هذا نفس السندوش والتشبيه هذا من كدا ارتست ع مستوي عالم مش مني انا باش ما تقولو نتفلسف عليكم؛؛
ـ خطوات اللوك سهله وبسيطه اللوك هذا يناسب اغلبية انواع العيون معاد العيون المبطنه مايناسبها؛؛
- بالنسبه للالوان المستخدمه هي 3الوان فقط الازرق الملكي اللون الاساسي والاسود لدمج نهاية ومقدمة الجفن والبني الهادئ لدمج الظلال وهو اللون الانتقالي ف للوك هذا وع فكره تقدرو تغيرو ف الالوان الي تريحكم وتناسب ذوقكم بس استفيدو بطريقة حطت الظل؛؛
ـ الخطوات:-
- أول خطوه قبل ما نبدو نحطوا اي ظل ع العين ضروري تستخدمو بيز للجفن وظفيته يبرز اللون ويثبته اكثر ف حالة مش متوفر عندكم تقدرو تستخدمو الكونسيلر=خافي عيوب امتاعكم وفي حالة مش متوفر تقدرو تستخدمو قلم ابيض ك بيز للاظلال الي بتحطيها ع عينك؛؛
- ثاني خطوه ف للوك هذا زي ما تشوفو ف الصوره حطت لصقه نهاية كسرة العين باش التحديد للاظلال والايلاينر يطلع صح وكل الزايد يجي ف للصقه وقبل ما تحطو اللصقه جربوها ع ايديكم كدا مره تاخد هواء وبعدين لصقوها نهاية جفن العين والحاجب؛؛
- ثالث خطوه هي الاضاءه الي تحت الحاجب في ناس اتفضل الاضاءه او اللون الي تحت حاجبها يكون مطفي وفي ناس تحبه يكون بلمعه ولكن الي مستخدم ف للوك هذا لون لؤلؤئ مطفي تماما باش تبرز الجفن اكثر؛؛
- رابع خطوه هي حطت اول لون ع الجفن المتحرك ازرق ملكي واستخدمت قلم لونه ازرق علاش استخدمت قلم ف البدايه باش يطلع للون قوي لما تحط فوقه الظل ويقعد ثابت طول الوقت؛؛
- خامس خطوه هي الدمج وف للوك هذا للون الي دمجت بيه او اللون الانتقالي كان لونه بني هادئ دمجت بيه ع كسرة العين وادمجو كويس باش يطلع للوك نظيف يعني خودو وقتكم ف الدمج؛؛
- سادس خطوه هو للون الاسود بس هنا استخدماته ف بداية الجفن ونهايته فقط يعني حطت شويه ف نهاية البدايه وبعدين دمجت للون تحت كسرة العين بفرشه نظيفه باش يطلع الشكل احلا؛؛
- سابع خطوه هي حطت ظل بلون ازرق ملكي ف نص العين وع الجفن المتحرك فقط زي الصوره لان زي ماقلت للون الاساسي ف للوك هذا هو الازرق وحطاته بطريقة الطبطبه ف نص فقط باش يعطي الفنش الي ف الصوره؛؛
- ثامن خطوه هو رسم العين رسمة الرسمه المعتاد عليها وهي كات ايلاينر وطلعت نهاية الظل لبرا باش تسحب العين اكثر؛؛
- تاسع خطوه كحلت باللون الابيض داخل عينها باش تكبرها اكثر وظللت تحت جفنها التحتي ب الاسود باش يعطي فنش سموكي،،
- اخر خطوه الرموش ف للوك هذا هي مركبه رموش علويه وسفليه وطبعاً الي ما تحب تركب تركز اكثر ف المسكرة لان اللوك السموكي يبي رموش بارزة وكثيفه باش يبان اكثر المكياج؛؛
وبس طرفوناتي اتمني الافاده للجميع دومتم بود اوووهبكم اموواه،،
