صحه غداكم جميلاتي بنوتاتي ومداماتي،،
حبيبات قلبي بوست خفيف ع اسبراي موس او رغوه للشعر الكيرلي،،
- كدا عضوه تسآل فيا الفتره الي فاتت انها تبي شعرها كيرلي بس بطريقه وكآنه طبيعيه او كآنه الشعر مببلول ننصحها تاخد نوع من الاسبراي الفوم هذا يعني الرغوه نفس صورة ايدي وظيفته انه يخلي الشعر كيرلي طبيعي وكآنه الشعر مببلول وحلو ف الاستخدام هلبا؛؛
- طريقة استخدامه سواء للشعر الناعم او الخشن واحده هي بعد ما تطلعي من الدوش وتمسحي شعرك كويس بالفوطه وتمشطيه وضروري يكون شعرك مببلول تاخدي كميه ع حسب طول شعرك من الاسبراي الرغوه هذا وتخللي بيه شعرك كله من قدام للخلف بعدين اقلبي رآسك تحت وتخللي تاني شعرك با الاسبراي وحركي شعرك ب ايدك كآنك تهيجي فيه باش ياخد الفورما كويس بعدين جففي شعرك ع البارد مش السخون؛؛
- في حالة شعرتك ناعمه هلبا وتبي يثبت معاك وقت اطول هو تاخدي مع الاسبراي شويه ع روس صوابعك جل للشعر تخلطيهم مع بعض واديري شعرك بنفس الطريقه االي قلتها؛؛
- انا افضل نوعين استخدمتهم ف اسبراي الرغوه هو ماركة لوريال او ويلا استريت وطبعاً تقدرو تستعملوا الماركة الي ترتاحو عليها هو سعره ف حدود 10/15 دينار ليبي وتلقوه متوفر ف اي محل مكياج؛؛
- في طريقة تانيه انا نستعمل فيها لو نبي شعري ويفي او فلو ويثبت معاي بعد ما اندير اسبراي الرغوه نجفف شعري ع البارد وناخد الفير امتاع الشعر الفلو ونلف شعري كله بيه بعدين نفتح الشعر بالمشط الواسع يطلع الشعر كآنه مكسر او الفلو المفتوح ويثبت ع طول الطريقه هادي معتمدها في حالة نبي شعرلي فلو لان صعب يثبت معاي بدون شي؛؛
وبس فلذات تشبدي اتمني الافاده للجميع دومتم بصحه وخير اوووهبكم امووواه..
