ماسك للوجه [حنه بيضاء+حليب باكو]

مساؤ ورد بنوتاتي ومداماتي الطرفونات،،
حبيبات قلبي ماسك الاسبوع سريع وسهل ومفيد للبشره ؛؛
قبل ما تبدو اي ماسك ضروري تغسلوا وجهكم كويس بالميه الدافيه باش تفتحوا المسام ويكون جاهز للماسك الي بتحطيه؛؛
67
  • مكونات الماسك سهله وبسيطه حناء بيضاء+ حليب باكو المقدار كاشيك صغير من الاتنين فايدة الحنه البيضاء تخفف من التصبغات والنمش والكلف وتعالج البثور وتقدري تستعمليها لكل انحاء جسمك حتي تحت الإبط او الاماكن الحساسه للتفتيح مافيش مشكله ؛؛ 
  • تخلطوا كل المكونات وتقدرو اضيفوا الي يعجبكم عادي وتحطوها ع وجهكم مدة نص ساعه وتغسلوا وجهكم بالميه الدافيه بعدين بالبارده لتصكير المسام وضروري ترطبو وجهكم بعد كل ماسك انا نرطب بكريم بيبانتين وطبعاً ليكم حرية الاختيار ف الترطيب؛؛
  • أنا للامانه شريتها من برا بس اكيد متوفره ف عطريات الكبيره لانها مش حاجه صعبه ولا نادره؛؛ 
  • في حالة مش متوفر عندكم حنه بيضاء تقدرو تستبدلوها بحليب البودره او نشآ او حمص مرحي وكله مفيد للبشره وينفع لجميع انواع البشرات؛؛ 
  • بالنسبه لماسك الشعر زي ماقلتلكم انه ح يكون الماسك المفضل لشعري الشهر هذا هو زبدة الشيا+ زيت جوزالهند الطبيعي بعد ما ذوبت المكونات مع بعض صبيتهم ف شيشة الصبغه امتاع لوريال قصدي لما تصبغوا شعركم خلوها الشيشه ما تلوحيهاش ح تستفيدي بيها لماسكات الشعر لان فيها زي المشط من قدام وتقدري تمشطي شعرك وفي نفس الوقت تدهني فروة شعرك كويس؛؛ 
  • كم مره تستخدمو اي ماسك ف الاسبوع ديما من مره ل 3مرات ف الاسبوع ع حسب بشرتك اذا كانت تعبانه وتستحق الاقنعه او اذا كانت كويسه ديري مره ف الاسبوع يكفيك؛؛ 
وبس جميلاتي يالله نوضو من غير كسل وانشطوا ديرو ماسك حلو لوجهكم وشعركم وك العاده اووووهبكم اموووواه؛؛

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!