[ العنايه بالبشره ف فصل الشتاء]
صباحو ورد وفل بنوتاتي ومداماتي الطرفونات،،
حبيبات قلبي بوست خفيف ع عناية البشره ف الشتاء او العنايه الخاصه بيا الي ماشيه عليها والي بشرتها جافه حساسه ح تستفيد هلبا من البوست؛؛
- اول شي انا بنقوللكم انه طبيعة بشرتي عاديه ولكن مرات تقلب ع حسب مناخ الجو ف نتعامل معاها ع حسب الطقس يعني انا في الشتاء بالذات بشرتي تبدآ جافه وحساسه بزياده مع انه طبيعة بشرتي مش جافه ابداً ولكن ف الشتاء يصيرلي جفاف ف يكون الترطيب الدبل باش نتخلص من لقطة القشور المزعجه جداً؛
ـ اهم نقطه وديرو تحتها الف خط هي يا حبيباتي في الشتاء بالذات تكثرو من شرب الميه لان طبيعة البشره والجسم يفقد السوائل بكثره ف فصل الشتاء فلهذا شرب الميه ضروري من 2/3لتر يومياً اقل شي تشربوهم لو تبو تحافظوا ع نظارة بشرتكم واشراقتها وترطيبها لان ضروري ترطبوا الجسم من الداخل باش يعطي نتيجه حلوه للبشره من الخارج؛؛ - تاني شي انا في الشتاء نغير ف الغسول امتاعي وناخد غسول خاص بالبشره الجافه والحساسه خديت غسول من بايوديرما ماركة طبيه فرنسيه ممتازه ومشكوره وبصدق ريحني هلبا هلبا الغسول ورطب بشرتي وقلل الاحمرار الي فيها وع فكره تقدرو تستعملوا اي ماركة ترتاحو عليها بس الافضل لما تاخدو غسول يكون من ماركة طبيه باش اتفيدي بشرتك اكثر؛؛
ـ الي بشرتها دهنيه وما يصيرلها اي جفاف ف الشتاء تاخد غسول للبشره الدهنيه ف ماركات هلبا منها فيشي. كلينك. كلارنس. سيفر. نويرفا. لاروشيه بوسي. وكدا ماركة ممتازه؛؛ - ثالث شي الترطيب ثم الترطيب ثم الترطيب يا بنوتات ومدامات خلو قاعده عندكم تابثه هي
ـ ترطيب +اهتمام=بشره نظره مشرقه صحيه
ـ عدم ترطيب+اهمال=بشره شاحبه قشور تصبغات يعني بالذات ف الشتاء تهتموا بالترطيب بزياده لان يتعرض الجلد للجفاف اكثر من فصول السنه التانيه؛؛
ـ بصراحه انا عشقي ومرطبي المفضل للوجه الي مستحيل نستغنا عليه مهما استعملت من ماركات عالميه هو بيبانتين كريم عندي منه جميع الانواع بصدق من اقوي مرطبات البشره ويهدي الاحمرار ويعالج تهيج وتحسس الجلد بشكل كبير للكبار وللصغار وحتي البيبيات الرضع اااامن جداً ع البشره خالي تماماً من الكرتيزون ع طول ننصح بيه ليكم لان بجد ممتاز يستخدمه كل الفئات بدون ما يسبب اي ضرر للمستخدم وفي نفس الوقت سعره مناسب جداً جداً ب10دينار ليبي؛؛
ـ انا عندي نوعين من بيبانتين الي ح يكون رفيق الدرب ف الشتاء خاصةً بالذات المرهم الي خطه وردي ترطيبه عميق وكثيف خاصةً الي بشرتها جافه هلبا وقشور حلك الوحيد تاخدي مرهم بيبانتين ح يقضي تماماً ع الجفاف والقشور بس انا طريقة استعمالي للمرهم هي نرطب بيه الاماكن الجافه هلبا ف وجهي منطقة الانف ع طول مزكومه ف بنتعرض للقشور من كثر الفرك ومنطقة حول الفم حتي هي يصيرلي فيها جفاف نستعمل ف مرهم بيبانتين لان ترطيبه قوي جداً؛؛
ـ بالنسبه لكريم بيبانتين الي خطه ازرق مناسب جداً للبشره الدهنيه لان ترطيبه خفيف ويمتصه البشره بسرعه بس انا طريقة استعمالي نرطب بيه وجهي كله ونحط المرهم ع اماكن الجفاف الي هي الانف وحول الفم؛؛
ـ وبيبانتين كريم بكل انواعه يستخدم ترطيب للبشره ف لليل قبل النوم ماينفع تستخدموه ف النهار؛؛ - رابع شي ترطيب الرجلين والايدين اه طبعاً ح يتعرضو للجفاف لان الاماكن هادي بالذات ح تتعرض ع طول للميه وللغسل ولما بيكون الجو صقع ح يصيرلك جفاف وقشور ف ايديك ورجليك بزياده فلهذا ضروري من الترطيب المكثف افضل مرطب واقواهم فازلين او زبدة الشيا انا نرطب اما بفازلين او لونا الحكه الزرقاء ترطيبها كثيف جداً هي زبدة كاكاو مع زبدة الشيا يعني فازلين يكون متوفر عندكم شي اساسي ترطبي ايدك ورجليك وتلبسي شخشير بعد الترطيب ويكون الترطيب ف لليل قبل النوم؛؛
- خامس شي والاخير ترطيب الشفايف حتي هو مهم طبعاً عدم ترطيبهم يسبب طبقه وقشور ميته ويغير لون الشفايف للبني الغامق فلهذا الترطيب مهم انا نستعمل ف مرطب للشفايف من بودي شوب وعادي جداً تستخدمو فازلين او مرهم بيبانتين لترطيب الشفايف الامر مخير ليكم طبعاً؛؛
ملاحظة مهمه هو بعد الترطيب ضروري اديرو يوم ف الاسبوع لتقشير بشرتكم وتجديدها افضل مقشر طبيعي هو حثالة القهوه العربيه ممتازه لتقشير الوجه ننصحكم بيها هلبا؛؛
وبس حبيباتي اتمني بوست مفيد للجميع اوووهبكم ك العاده امووواه..
