سموكي ايز

صحه غداكم بنوتاتي ومداماتي الطرفونات،، 
حبيبات قلبي هذا لوك سموكي ايز بس بطريقه مختلفه مثقله رسمة العين؛؛ 
رسمة العين اسمها او يسموا فيها الارتست بالرسمة العربيه لانها ثقيله وحاده وتسحب العين بطريقه حلوه وتناسب اغلب اشكال العيون؛؛ 
62
  • انا مستخدمة 2ماركات من الظلال هي انقلوت و نيكس ما درتش هلبا الوان اعتمدت ع اللون البني الداكن والاسود والبني المتوسط وكحلت داخل العين بقلم ذهبي من كريولاين المكسرة من برجوا بس الافضل ف للوك هذا يبي رموش ولكن انا مانحبش استخدام الرموش؛؛ 
  • ااما رسمة العين الايلاينر من ماركة اتش&ام رررهيب بجد مش متوفر ف ليبيا بس تقدرو تستخدمو ايلاينر انقلوت حلو ع الاخر؛؛  
  • بالنسبه للحواجب استخدمت جل الحواجب من انقلوت رقمه 15 الدرجه هادي حلوه للون بني متوسط؛؛ 
  • بالنسبه للوجه مانستخدمش ف هلبا منتجات استخدمت فقط كونسيلر ماركة فلورمار تحت العين وتبثه ب باودر الاضاءه من انقلوت ودرت احمر خدود لونه ع الفوشيا موڤ من انقلوت؛؛ 
  • الشفايف استخدمت روج من ماركة كريولاين لونه موڤ غامق الالوان هاذي خرفيه وشتويه ديما الالوان الغامقه للشتاء والالوان الزاهيه الفاتحه للصيف والربيع؛؛ 
  • ع فكره ما تتقيدو بالماركات الي ذكرتها تقدرو اديرو نفس للوك هذا ب اي ماركة متوفره عندكم وبنفس درجات الالوان؛؛ 
وبس فلذات تشبدي اتمني الافاده للجميع دومتم متآلقات اوووهبكم امووواه 

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!