بيوتي_بلندر [ ريل تكنيك،انقلوت،كريولاين ]
مساؤ فل بنوتاتي ومداماتي الطرفونات،،
حبيباتي اليوم بنقوللكم ع استخدام الصحيح او كيف تستعمل ف هلبا عضوات يسئلو استعمال سبونج بيوتي بلندر او ريل تكنيك ح نقول كيف وساهله ف الاستعمال؛؛
- هي تعدد نطق ب اسمها بيوتي بلندر،بيوتي بلوندر، بيوتي بلندق،،تعدد النطق والاستخدام واحد الاسفنجه هادي تعطيك فل كفر ف دمج كريمة الاساس والكونسيلر والباودر تغطيتها حلوه وماتخليش كريم الاساس مبقع او مشقق يعني تدمج حلو لان تصميمها ناعم وتشرب او تمتص ف كريم الي يبدا زايد وماتخليش الكريم او الكونسيلر متكتل بجد ننصحكم بيها هي او ريل تنكنيك؛؛
- طريقة استخدامهم طبعاً تكون الاسفنجه نظيفه ردو بالكم تدمجو بيها وهي عليها بقايا مكياج لان الاسفنجات ب الذات تتراكم فيهم البكتيريا بسرعه يعني بعد كل استخدام ع طول تغسليها مش زي الفرش ضروري الاسفنجه تنغسل وتتعقم بعد كل استخدام؛؛
- لما تبي تستخدميها تاخدي الاسفنجه تحطيها تحت الشيشمه وتخلي الميه تتغلغل فيها واعصري وعاودي نفس الكره مرتين ح تزيد حجمها الضعف وتكبر ويبدا الدمج بيها اسهل وبعد ما تمصمصيها تحت الميه اعصريها كويس كويس تاخدي فوطه انظيفه وتحطيها داخل الفوطه واعصري كويس حولي الميه الزايده يعني تقعدلك زي المنديه مببلوله وبعدها تقدري تتدمجي بيها الكونسيلر او كريم الاساس او الكونتور عن طريق طبطبه يعني حركة تب تب تب اكيد فهمتو قصدي ب الحركه هادي ح تعطيك فل كفر للكريمه وبدون تخطيط او تشقق الكريم يعني تدمج من وسط القلب؛؛
- بس ف ملاحظه اسفنجة البيوتي او تكنيك تستخدم هي مببلوله للكريم وللكونسيلر وللكونتور الكريمي واحمر خدود الكريمي ولكن تستخدم هي جافه للباودر يعني خلوها قاعده هي مببلوله لاي حاجه تكون لكود يعني سائله او كريميه وهي جافه تستخدم لاي حاجه تكون باودر بمعني المببلول للمبلول والجاف للجاف ههههه عجبني التشبيه؛؛
- عن نفسي افضل اسفنجات مكياج استخدمتهم وبجد روووووعه انقلوت.كريولاين.بيوتي بلندر. ريل تكنيك. وكريولاين عندهم احجام صغيرونه لتحت العين فظيعه ننصحكم بيها بجد؛؛
- اماكن البيع اما عن طريق صفحات ف الفيس او موجوده ف وكيل انقلوت.دبنهامز السياحيه.وكيل كريولاين؛؛
وبس حبيبات قلبي سلامتكم وعافيتكم اوووهبكم امووواه..
