مسائكم ورد وفل وياسمين بنوتاتي ومداماتي الطرفونات،،
حبيبات قلبي بوست ع السريع 2ف واحد ماسك للوجه وماسك للشعر؛؛
قبل شويه درت ماسك لشعري وماسك لوجهي وطبعاً ع طول انتم ف بالي قلت خلي انفيد صغويرتي بالبوست ديما واخدين العقل بصراحه.
- نبدو ب اول ماسك للشعر مكونات سهله وبسيطه جداً وان شاء الله ح يكون الماسك الشهري بالنسبه ليا لان تجربه جديده ونبي انشوف نتائج فائدة الماسك علاج لتقصف وهيشان الشعر ومنع التساقط ب اذن الله،،
- المكونات هي زبدة شيا خام+زيت جوز الهند العضوي الطبيعي الخام بدون اضافات انا زي ماقلتلكم ح نشري زبدة الشيا ونجربها لشعري لان نعرف هلبا ناس يشكرو فيها للشعر وقالو جابت معاهم نتيجه هي بصفه عامه فوائد الزبده معروفه انها ممتاز وسر جمال شعر الهنود والباكستان وحتي زيت جوزالهند العضوي وعن تجربه مسبقه معاه رههههههههههيب يا بنات بالفعل يطول الشعر حوالي 2انش كل شهر مممتاز والمفضل عندي ف استخدام الزيوت ننصحكم بيه هلبا،،
- الطريقه هي خديت مقدار من زبدة الشيا 2كواشيك صغار معبيات لان شعري طويل وخديت 2كواشيك صغار من زيت جوزالهند وسخنتهم ف الميكرويف شويه ذابو مع بعض خلطهم ب ايدي ودهنت شعري من الفروه للاطراف وطبعاً اقلبوا راسكم تحت وادهنو الحركه هادي كويسه لتنشيط فروة الشعر ويطول بسرعه وح نخليها ساعتين ونغسل شعر؛؛
- في حالة ماعندكمش زبدة الشيا استبدلوها بالزبده العاديه بشرط تكون خاليه من الملح وتقدرو تدهنو بيها بروحها وحتي الزيت جوزالهند تقدرو تدهنو بيه بروحه عادي جداً؛؛
- تقدرو تستخدمو الماسك هذا مرتين ف الاسبوع؛؛
- وشريتها زبدة الشيا وزيت جوزالهند العضوي من صفحة دليلك للمنتجات الالمانيه والامريكيه؛؛
- اما الماسك التاني للوجه نعرفكم ح تكرهوني من المكونات بس ضروري انزلكم البوست خاصةً الناس الي بشرتها فيها تصبغات واثر لحب الشباب الماسك هذا رهيب رهيب وممتاز ليكم جداً جداً ؛؛
- المكونات احم احم هي حلبه مطحون+زبادي طبيعي+فانيليا سائله،،
ـ طبعاً مانبيش انقوللكم فائدة الحلبه وثآثيرها السحري الخطير ع تصفية البشره وتخلي الوجه مرايا وتشد البشره وتعالجها من التجاعيد معاي عضوات مجربينها وشكروها هلبا عندي صديقتي جربتها وفعلاً نتيجه ممتاز عالجت التصبغات الي عندها ومشهورين بيها المغربيات معاي هلبا من االمغرب العربي مشرفيني يرايت يحكونا ع تجاربهم مع الحلبه قصدي الحلبه معروفين بيها حتي ناس قبل يقولو تجبر المكسور من قوتها وفايدتها؛؛
- صح ريحتها قويه بس في سبيل فوايدها تهون الريحه طبعاً المقدار خديت كاشيك صغير من كل المكونات الي ذكرتها كاشيك من الحلبه والزبادي والفانيليا السائله انا درت فانيليا باش نخفف بيها ريحتها؛؛
- في
حالة ماعندكم فانيليا خودو شويه قهوه عربيه او كاكاو باش تخف ريحة الحلبه؛؛
- خلطو المقادير مع بعض تتكون معاك زي الكريمه نفس الصوره ويكون وجهكم نظيف ومغسول كويس وتحطو الماسك ع وجهكم لمدة 20 دقيقه لين يجف بعدين اغسلي وجهك بالميه الدافيه وسكري المسام بالميه المصقعه وحطو اي كريم ترطيب متوفر عندكم؛؛
- ع فكره في كدا طريقه لماسك الحلبه واستخدموا الطريقه الي وتريحكم؛؛
- الي بشرتها تعبانه تقدر تستخدمه 3مرات ف الاسبوع الي بشرتها مش تعبانه تستعمله مره واحده ف الاسبوع؛؛
وبس فلذات تشبدي اتمني الافاده للجميع دومتم مزموزات اوووهبكم امووواه؛؛
