مساؤ عسل بنوتاتي ومداماتي العسولات،،
حبيبات قلبي بوست خفيف ع اااافضل وصفه او ماسك لعلاج تقصف وهيشان الشعر والي مجرباته انا شخصياً؛؛
- هو الزبده يا بنات افضل علاج لتقصف الشعر خاصة الي شعرها متبهدل من الميش والصبايغ تستعملوا الماسك مرتين ف الاسبوع ساعتين قبل الدوش بس بشرط تكون اما زبدة عربيه امتاع معيز ومتوفره ف محل الالبان او زبدة تكون خاليه من الملح زي لورباك يعني اقرو ع مكوناتها تكون ( No Salt )؛؛
- تقدرو تستخدموها بنفس طريقة صورة البوست هي بعد ما ذوبت الزبده ع الاخر صبتها ف شيشه بخاخ وزادة عليها زيت الارغان ولو مش متوفر زيت الارغان تقدرو تستبدلوه بزيت جوزالهند او زيت الزيتون الي يريحكم وتخلطوا المكونات كويس كويس وتبخو بيها شعركم بس الافضل انه تقلبوا رآسكم لتحت وبعد ما تحطو كل الزبده اديرو مساج لفروة الشعر باش تغلل كل المكونات كويس ف الشعر وتخلوها لمدة ساعتين واغسلوا شعركم؛؛
- او تاخدو زبده بروحها وبعد ما تذوب تدهنو بيها شعركم لمدة ساعتين واغسلوا؛؛
- ع فكرة زبدة الشيا تقدرو اديروها بنفس الطريقه ومشكوووووووووووره هلبا هلبا للشعر وحتي انا ح نجربها المده الجايه لشعري لان هلبا ناس نعرفها تشكر فيها للشعر؛؛
- هلبا بيقولولي ياجود الزبده تقعد ريحتها وما تنظفش بسرعه بنقوللكم طريقه سهله تنظفوا بيها شعركم بعد اي ماسك لشعركم خودو بيكربونات الصوديوم امتاع الحلويات وخودو منها شويه ع كف ايديكم وخلطوها مع الشامبو امتاعكم واغسلوا بيها شعركم لا عاد تقعد زبده ولا اثرها ولا ريحتها ع طول ينظف الشعر؛؛
- او تاخدو شوية قهوه عربيه تخلطوها مع الشامبو واغسلوا شعركم ح تتحول اي ريحه للزبده او لزيت؛؛
وبس حبيباتي اتمني الافاده للجميع دومتم مزموزات اوووهبكم امووواه.
