طريقة للتخلص من تشققات لقدمين‬

 مساؤ ورد بنوتاتي ومداماتي الطرفونات،،
حبيبات قلبي بوست خاص بطرق لتخلص من تشققات القدمين؛؛
56
  • الصوره رقم (1) طريقه سهله وبسيطه وينفع تستخدموها مره او مرتين ف الاسبوع الطريقه هادي تعالج تشققات القدمين وتبيضهم وتنعمهم طبعاً،،
    اول شي تاخدو نص ليمة عصر وتدعكو بيها رجليكم لمدة 15 دقيقه تخلوها وظيفة الليمون مطهر ومبيض طبيعي؛؛
  • وبعدين تاخدو كروانه تعبوها ميه دافيه وتصبو فيها غسول للفم غسول للفم وظيفته يطهر اي جراثيم او ميكروبات وخاصةً ريحة القدمين وينفع اديروها للاولاد الي عندهم ريحه في رجليهم ممتاز ليهم تنقعو فيها رجليكم لمدة ربع ساعه في الميه الدافيه وغسول للفم؛؛
    بعدين تاخدو فيكس وتدهنو التشققات الي تحت جيهة القدم وديرو تدليك بسيط اما ب ايديكم او ب مبرد الرجلين بشرط يكون خفاف مش قاسي لان ح تجرحو رجليكم بعد ما تدلكو رجليكم كويس بالفيكس خلوه لمدة نص ساعه واغسلوه رجليكم بالميه الدافيه كويس وبعدين البارده وامسحوهم كويس كويس وادهنو ب فازلين والبسو شخشير باش يحافظ ع الرطوبه ويكون الجلد ناعم؛؛

  • الصوره رقم (2) الطريقه هادي تحول تعب وحرارة الرجلين وتعالج التشققات واطهر اي جراثيم ولو في تصبغات ف الصوابع مع الاستمرار عليها ح يتفتحوا،،
    هي تاخدو خل ابيض+غسول للفم وتاخدو كروانه فيها ميه دافيه وتخلطوا شويه من خل الابيض وغسول للفم ونقعوا رجليكم لمدة نص ساعه وبعدها تقدرو تدلكوا رجليكم بمبرد القدمين واغسلوهم وجففوهم كويس ادهنو بفازلين او اي مرطب يعجبكم والبسوا شخشير ضروري الطريقه هادي تنفع تستخدموها مرتين ف الاسبوع؛؛

  • وفي طريقه ثالثه غير صورة البوست هي تاخدو شمعه تقصوها قطع ويكون زيت الزيتون سخون ع النار تحطو الشمعه ف الزيت ادوبها ولما تبرد تدهنو بيها تشققات الرجلين الي من تحت كلها لمدة ساعتين والبسو ف رجليكم كيسة نايلو باش ما تلبزو الدنيا الطريقه هادي معروفه عند الناس الكبيره ف السن ومعروفه لعلاج تشققات الرجلين من تحت تقدرو تستعملوها مرتين ف الاسبوع؛؛

  • و ملاحظه ماينفع ادير تقشير او بديكير للقدمين وتعفسوا حفايا غلط لان رجلك لما تبدي امدايره بديكير او سكراب تلقط كل الترسبات بسرعه فلهذا رطبوا رجليكم والبسوا شخشير ع طول؛؛
وبس حبيباتي اتمني الافادة للجميع دومتم متآلقات اوووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!