مساؤ ورد بنوتاتي ومداماتي الطرفونات وكل سنه وانتم بآلف خير وسلامه؛؛
- حبيبات قلبي بوست سريع ع مقشر للشفايف سهل وبسيط ومكوناته متوفره ف كل بيت؛؛
مكونات التقشير كاشيك صغير من عسل طبيعي+سكر بني+زيت زيتون تخلطيهم كويس وتحطيهم ف حكه نظيفه فاضيه وتكون ف حمامك قشري شفايفك 3مرات ف الاسبوع وطبعاً بعد كل تقشير ضروري الترطيب ب اي مرطب يعجبكم؛؛
- ف حالة ماعندكم سكر بني استعملوا الابيض ولكن السكر البني افضل ف التقشير؛؛
- بالنسبه لتقشيري انا امدايره حاجات اضافيه وتقدرو تستنغنوا عليها براحتكم المكونات:
كاشيك صغير من عسل طبيعي+سكر بني+ فازلين+حبه فيتامين e متوفر ف كل الصيدليات خلطت كل المكونات مع بعض وبعد ما فتحت حبة الفيتامين خديت الزيت وخليتها الحبه ف المقشر حطيتها ف حكه نظيفه وامدايراته ف الحمام نستخدم فيه 3مرات ف الاسبوع بشكل منتظم لو شفايفي محتاجات تقشير ولكن لو مش محتاجات نستخدمه مره واحده ف الاسبوع وطبعاً ضروري نرطب ف الليل ب اي مرطب شفايف ومرات فازلين او مرهم بيبانتين لان ترطيبه عميق؛؛
- ف حالة نقصت عندك المكونات وما كانت متوفره عادي استخدمي فازلين مع سكر وقشري شفايفك يآدي الغرض؛؛
- فائدة التقشير هو يحول كل القشور الميته الي ع شفايفك يجدد الخلايا ومع التقشير والترطيب المستمر شفايفك ح يكونو ورديات وحتي لما اديري روج يطلع شكله احلا وانظف؛؛
- طريقة الاستعمال تقشري بيه شفايفك بحركه خفيفه دائريره؛؛
وبس فلذات تشبدي اتمني الافاده للجميع دومتم متآلقات اوووهبكم اموواه؛
