‏مثبت مكياج

 فكسنق_اسبراي  [ كريولاين ]
مساؤ ورد بنوتاتي ومداماتي المزموزات؛؛
حبيبات قلبي بوست سريع ع مثبت المكياج من ماركة كريولاين وطريقة استعماله الي بشرتها تعرق هلبا والمكياج ع طول يسيح ح يناسبها البوست هذا؛؛
52
  • اول شي نبي انفهمكم مثبت المكياج او فكسنق اسبراي وظيفته يثبت المكياج ويصلح المكياج يعني لو الباودر او الكريم امداير معاك طبقه وشكله كيكي شوي الفكسنق يهديه ويخلي شكله احلا تقدرو اتقولو يخفف الكميه الزايده الي تكون من الباودر وكريم الاساس ويعطي شكل احلا الا انه يثبت المكياج طول الوقت؛؛
  • يعني ما تتلخبطوا ما بين مثبت المكياج ومنعش للبشره لان كل واحد و وظيفته والزوز مختلفين ع بعضهم تماماً؛؛
  • بنقوللكم ع مثبت المكياج من ماركة كريولاين بجد قوووووووووووووووووووي الثبيت يعني اسمه فكسنق اسبراي الا بالفعل هو فكسنق مثبت مكياج قوي جداً جداً الي وجهه يعرق مع المكياج وما يثبت ننصحكم بيه هلبا مش شوي يعني لما تبخيه بعد مكياجك مستحيل من سابع المستحيلات يسيح لان مثبت راااائع؛؛
  • طريقة استعماله بعد ما تكملي كل مكياجك تبخي بيه ع وجهك بختين 3ك اقصي حد من بعيد مسافة ذراع وهو دقيقه واحده وح يجف تماماً صح ريحته قويه بس دقيقه وتتلاشآ الريحه تماماً لما تحطيه تحسي روحك حطيتي لصقه بس ما تخافوش ما يفسد مكياجكم وانما يحليه اكثر واكثر ح يهدي المكياج ويبان شكله احلا واحلا؛؛
ملاحظه انا نحط ف مثبت المكياج ف الثلاجه وطبعاً مش شرط تحطوه ولكن انا نحب نخزن اي اسبراي للمكياج ف الثلاجه؛؛
  • ماينفع تبخوه قبل المكياج لان هو مثبت لما بتحطوه قبل المكياج تجففي بشرتك وتجمد لما تحطي كريم الاساس بعده مش ح يعطيك شكل حلو ولكن ح يسببلك طبقة قشور فلهذا استعماله الصحيح فقط بعد المكياج؛؛
  • ننصح العرايس بيه هلبا هلبااااات لانكم صدقوني ح تستحقوا مثبت للمكياج قوي زي فكسنق كريولاين يوم الحفله والاعراس الي تحضروهم وحتي سعره مناسب ف حدود35 دينار؛؛
  • الميزه انه بعد ما يكمل منك المثبت ما تلوحيش الشيشه امتاعه لانك تقدري تعبي فيها من جديد ب20 دينار مثبت مكياج؛؛
  • في حالة تبو تشرو من ماركة تانيه مثبت مكياج ف ماركات ممتازه منها ماك.ميكب فورايفراربن ديكاي.نيكس.انقلوت وكدا ماركة حلوه؛؛

وبس طرفوناتي اتمني الافاده للجميع دومتم بخير اوووهبكم امووواه؛؛

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!