• اول شي معني اومبري اي كان سواء لرسم الشفايف او لرسم العين او لرسم الحواجب او لصبغة الشعر التكنيك هذا يعني تدرج ف الالوان اما من درجات الالوان الفاتحه للغامقه او من درجات الالوان الغامقه للفاتحه بشرط الدرجات تكون متقاربه يعني لو رسمة عيني ب الازرق ونبي يكون بطريقة الاومبري نبدا من درجات الازرق الفاتحه وننتهي ب الازرق الغامق ويمشي االكلام ع مختلف انواع الاومبري؛؛
  
• بس بوست اليوم ح نحكيلكم ع تكنيك الاومبري لرسم الشفايف انقوللكم شني فايدة التكنيك هذا هو يعطي احاء للشفايف اكثر امتلاء يعني كآنك بتعطي بوسه هههه او للشفايف الصغير يكبرها او الكبيره يصغرها وكل واحده تتعامل مع الالوان الي تناسب رسمة شفايفها؛؛
  
• نفس الصور بالزبط حاولت انجيبلكم اكثر من درجة لون لتكنيك الاومبري باش تستفيدو اكثر وتقدرو تبحثوا ع اليوتيوب تكتبوا طريقة الاومبري لرسم الشفايف؛؛
  
• التكنيك هذا يعتمد ع لون القلم او محدد الشفايف او لب لاينر تكون درجته اغمق من الروج باش لما يصير مكس بينهم يعطيك تدرج ف لون الروج حلو؛؛
  
• مثلاً ف الصوره التانيه الي تحت روج احمر مع قلم اسود حددت شفايفها باللون القلم الاسود ما تخافوش مش ح يعطيك لون اسود لان كسرت اللون بالروج الاحمر الفاقع النتيجه اعطاها لون احمر قاتم مع تدرج ف لون مابين حدود الشفايف والوسط يبانو الشفايف اكثر امتلاء وشكله يكون احلا؛؛
  
• او زي الصوره الاوله ع اليسار الي ف فوق روج فوشيا فاتح مع قلم فوشيا غامق بعد ما حددت شفايفها بالقلم دارت الروج لون فوشيا ودمجاته كويس اخر لمسه ف نص الشفايف بالزبط حطت لون مايل للمشماشي الحركه هادي يبانو الشفايف ممتلاء اكثر ف حالة ما عندكش لون فاتح تحطيه ف نص الشفايف استعملوا الكونسيلر او الاساس امتاعك ك مفتح للون يعطيكم نفس النتيجه بالزبط؛؛
  
• اما الصوره الي تحت ع الايسار هو روج موڤ فاتح مع قلم موڤ غامق نفس الطريقه حددت الشفايف بالقلم وحطت الروج الموڤ الفاتح وسط الشفايف ودمجاته كويس اعطاها نفس شكل الصوره؛؛
  
• اما الصوره الي فوق ع اليمين اكيد بتحبو اللون هذا لان اغلبيتنا من عشاق الالوان النود او الترابيه استعملت قلم قهوي غامق حددت بيه شفايفها وحطت ف نص الشفايف لون نود بيج فاتح وبعد الدمج طلع بالشكل هذا؛؛
  
• ملاحظه لما تدمجي الروج لو حسيتي انه رسمت القلم مش داكنه او تحتاج لزياده عادي ارسمي ف جناب الشفايف بالقلم باش يعطيك شكل اومبري اقوي؛؛
  
• وطبعاً لو تبو تستعملوا قلوس او الملمع عادي جداً بس حطوه ف وسط الشفايف بالزبط باش يبانو الشفايف اكثر امتلاء؛؛
  
• ملاحظة مهمه جداً ردو بالكم بدل المره مية مره انه الي شفايفها صغيره ما تحاول تطلع ع حدود شفايفها الطبيعي بشكل مبالغ فيه قصدي تبو تكبرو شفايفكم يكون ف حدود المعقول والي يتقبله العين بشكل بسيط هو ترسموا القلم من الشفه الفوقيه بشكل خفيف جداً برا حدود شفايفك حاجه بسيطه جداً ومن تحت الشفه التحتيه انزلو بالقلم من وسط الشفه التحتيه حاجه بسيطه قصدي اشكال رسوم انا الآروووسه فكونا منها؛؛
  
• الي شفايفها كبار انتي محظوظه ههههه بس ف حالة تبي تصغري ترسمي شفايفك اقل من حدودها الطبيعيه واستعملوا الالوان المطفيه لان القلوس يعطيها حجم اكبر؛؛
  
• ع فكره درجات الارواج الي ف الصور موجوده عند ماركة انقلوت انا خصيت انقلوت باش يسهل انكم تمشوا تلقو حاجتكم من وكيل الموجود ف ليبيا؛؛

وبس برنسيساتي اتمني الافاده للجميع دومتم بسلام اوووهبكم امووواه