انواع الايلاينر

صباحو فل بنوتاتي ومداماتي الطرفونات نهاركم مبروك وعدوكم مهلوك،،

حبيبات قلبي ح نعطي بوست ع السريع لانواع الايلاينر واسهلهم ف الاستخدام المبتدئات ح يعجبهم البوست؛؛

48

  1. اول نوع نبدو بيه هو القلم لتكحيل العين اسهل استخدام لتكحيل العين وتقدرو ترسمو بيه عينكم هو الاول بعدين تمشوا عليه ب الايلاينر وافضل كحل للعين استعملته سواده فاحم وتابث هو انقلوت 01 الموجوده ف الصوره وكدا ماركة حبيبتها منهم قوش.كاجل.فلورمار بصراحه اقلام التكحيل اللون الاسود رووووعه؛؛
  2. تاني نوع واسهل اسهل اسهل ايلاينر لرسم العيون ننصح بيه المبتدئات هلبا هو ايلاينر الخطاط وما يسمي ب تاتو ايلاينر او بن ايلاينر هو شكله نفس خطاط الالوان الموجود ف الصوره قدامكم واسهل واسرع نوع لرسم العيون لان خطاط ثابت وسهل تتبيث الايد بيه الناس الس ماتعرف ترسم ننصحها بيه هلبا وتتمرن ع رسم العين مافيش حاجه صعبه مع الممارسه ح تكوني خبيرة نفسك؛؛
    ـ افضل ماركات استخدمتها ف النوع هذا ماركة ريميل لندن.نيكس.قوش. مكياجي.برجوا وفي كدا ماركه حلوه؛؛
    ـ ملاحظه صغيرونه للناس الي ما تعرف ترسم عينها افضل حل تاخدو لصقة الضي او الجرح وبعد ما تفتحوها حطوها ع ايديكم اكثر من مره تشم الهواء بعدين بصقوها ع نهاية العين ف الزاويه الخارجيه وتقدرو ترسمو الكات لاينر بسهوله وكل الزايد يجي ع للصقه؛؛
  3. ثالث نوع هو لكود ايلاينر بمعني الايلاينر السائل نفس الي موجود ف الصوره النوع هذا يجي بريشه اما رقيقه او سميكه وفي الي تجي رطبه او تجي قاسيه ع حسب ماركة الايلاينر النوع هذا يبي واحده متعوده ع الرسم باش تجيها الرسمه مزبوطه ولكن تقدري ترسمي ف الاول بالقلم بعدين تمشي عليه من فوق ب لكود ايلاينر ومن افضل الماركات الي استخدامتها ف النوع هذا هي ماركة اتش&ام. برجوا. ذابالم. ريميل لندن. نيكس. سيفورا.ميبلين؛؛
  4. رابع نوع هو الكيكي ايلاينر انا مش متوفر عندي ومااعتقدش ح نستعمله الكيكي يعني يستخدم بالميه بعد ما تبلي الفرشه تاخدي بيها الكيكي ايلاينر وترسمي عينك يعتبر نوع حلو واخف من قوة جل ايلاينر متوفر عند ماركة كريولاين ف كولكشن اكوا؛؛
  5. خامس نوع والاخير هو جل ايلاينر هذا اقوي نوع لرسم العين ف الثبات والسواد جل الايلاينر نفس الصوره ملمسه جل ويبي ايد خفيفه وسرعة ف الرسم لان الغلطه بيه بورطه صعب المسح والتعديل يعني تبي احترافيه وتكون واحده متعوده ع رسم عينها؛؛
    ـ والفرشات الي تستخدم لرسم جل ايلاينر نفس الصوره في الي تجي مايله ع الجنب وفي الي تجي معكوفه وفي الي تجي ستريت اتجاه واحد طبعاً الفرشه ع حسب الاذواق وع كل واحده ترتاح ف رسم عينها؛؛
    ـ افضل الماركات الي استخدامتها ف النوع هذا هي ماركة انقلوت جل رقمه 77 بجد فوووووق الخيال سواد فاحم وثبات رهيب وينفع تكحلي بيه داخل العين لان من مواد طبيعيه. وعندكم ماك.ميكب فورايفر.ميبلين واكيد كدا ماركة مشكوره؛؛

وبس فلذات تشبدي اتمني الافاده للجميع دومتم جميلات اووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!