صباحو عسل بنوتاتي ومداماتي الطرفونات،،

حبيبات قلبي درت لوك سوكي ايز مات وسموكي ايز مطفي المعني انه واحد لونه مطفي والتاني بلمعه بخطوات سهله جداً وبسيطه وتقريبا يناسب جميع انواع العيون بس بشرط يرايت تجربو ع ارواحكم مانبيش نسمع كلمة مانعرفش ايوا اهو قلتلكم من الاول؛؛

• اول لوك هو سموكي ايز مات يعني المطفي شني معني السموكي هو للوك يبدا غامق ومدخن وطبعاً ينفع للمناسبات فقط اكيد لان لوك قوي يبي سهره ف لليل،،
• بالنسبه للخطوات السموكي المطفي سهله جداً وبسيطه يعتمد ع لونين فقط هو الاسود والبني بس درجة البني الوسط مش الغامق السموكي يبي دمج هلبا لو تبي فنش حلو خودي راحتك ف دمج الالوان؛؛

1. اول شي حطيت مرطب للعين بعدين بيز للعيون من انقلوت البيز وظيفته يوحد لون الجفن و يقوي اللون ومايخليش الاظلال تتكتل او تخطط ع الجفن بس لو مش متوفر عادي استعملوا الكونسيلر او خافي العيوب ك بيز للجفن،،
2. بعد ما دمجت البيز ع كامل الجفن مشطت حاجبي ورسمتهم بجل الحواجب من انقلوت رقمه 15 ونظفت تحت الحاجب ب اضاءه مطفيه من كريولاين باش نبرز اكثر العين ونعطيها اضاءه؛؛
3. بعدين خديت قلم اسود من انقلوت رقمه01 ورسمت بيه الجفن المتحرك كله امتاع العين يعني استعملت القلم قبل الظل لان نبي للوك قوي استعملت القلم ك مثبت للظل الي بنحطه فوقه؛؛
4. بعدين خديت فرشه انظيفه للدمج ودمجت بيها اللون ع كسرة العين وخديت بنفس الفرشه لون متوسط ف البنيات ودمجت بيه الكريس او كسرة العين وخودي وقتك ف الدمج باش يطلع معاك فنش نظيف؛؛
5. بعدين خديت بفرشة تانيه لون ظل اسود من انقلوت وحطيته فقط ع جفن المتحرك باش انثبث بيه القلم الي درته ف الاول بحركه التابتنك او الطبطبه لان نبي للون قوي؛؛
6. بعدين حطيت لون اضاءه تحت الحاجب من قولدن روز؛؛
7. اخر خطوه رسمة خط رقيق فوق رموش العلويه ب الايلاينر من برجوا وطلعته لبرا وكحلت عيني بالاسود من داخل وظللت تحته بلون الاسود لان سموكي ضروري منها الحركه هادي وحطيت مسكره؛؛
8. بالنسبه لتحت العين استخدمت كونسيلر فقط العجله السداسي من كريولاين وثبته بالباودر وحطيت احمر خدود واضاءه ع عظمة الخد؛؛ 
9. بالنسبه للشفايف انا اخترت لون احمر مطفي وطبعاً تقدرو اتغيرو للون ع درجات النود مافيش مشكله بس رسمة شفايفي ب تكنيك الاومبري يعني تدرج ف الالوان؛؛

ملاحظه للوك ناقص رموش السموكي ايز يبي رموش باش يطلع الشكل احلا؛؛

ملاحظة تانيه حبيباتي تقدرو تبدو بالخطوات الي تريحكم كل واحده وطريقتها ف حطت المكياج انا عن نفسي كل مره بشكل مرات نبدا بالعيون اولاً مرات نبدا بالوجه كل واحده تستخدم ترتيب الخطوات الي تريحها ف المكياج وع فكره تقدرو تلعبوا ف الالوان مافيش مشكله كل واحده وذوقها طبعاً بس هذا كلاسيك سموكي اسهل سموكي لان يعتمد ع لونين فقط مافيه صعوبه؛؛

ـ توا بنجو للوك قلتري سموكي الي هو بلمعه طبعاً انا غيرت للوك بخطوتين سهله جداً قويته اكثر وتقدرو تستغنوا عليها بس الي تبي الظل اكثر لمعه وقوه ح يناسبها؛؛

• الخطوتين هو خديت فرشه بخيت عليها مية ورد وخديت بيها القلتر او الرش وثبته فقط ع الجفن المتحرك ع الظل الاسود ودرت منه تحت الرموش التحتيه وقوية لون الروج اكثر قلبته من مطفي لقلوسي حاجه بسيطه فقط لاغير؛؛
• نبي انفهمكم انه حركه بسيطه جداً تآثر ع مكياجك وتقدري تقوي اللوك او تخففيه سواء بظل او بروج ما تصعبوها ع ارواحكم واتمرنو اي شي مع الممارسه ح تكوني خبيرة نفسك؛؛
• طبعاً ب اي ماركة تقدري اديري مكياج زي هذا اهم شي تاخدي الاساس والالوان وطريقة حطت الالوان والدمج ماتعقدو ارواحكم بالماركات لان مرات ب ابسط الاشياء تبتكري احلا لوك لوجهك ولشكلك؛؛

وبس فلذات تشبدي اتمني الافاده للجميع دومتم متآلقات اووهبكم امووواه….