صباحو فل بنوتاتي ومداماتي الطرفونات،،
حبيباتي البوست ح يعلمكم كيف تستخدمو المسك لتعطير الجسم ب اسهل الطرق و اوفرها؛؛
- اول شي انا المسك نستعمل فيه لتعطير الاماكن الحساسه وتحت الابط لان ما نحبش المزيل الي يبدا بريحه يسبب الاسوداد تحت الابط فلهذا نستعمل ف المسك لتعطير جسمي وتحت الابط خاصةً؛؛
- المكونات ساهله جداً انا عندي مسك الطهاره الاسود الصلب الي زي الحجر شريته من عبدالصمد القريشي ولكن انتم الطريقه هادي تقدرو تختارو اي مسك يكون متوفر عندكم مش بشرط نفس النوع+مية ورد+زيت جونسون او اي زيت عطري ترتاحو عليه انا نستعمل ف جونسون؛؛
- الطريقه تاخدو المسك الحجر وتبشروه بالمبشره امتاع الجبنه وطبعاً مش ح تقدرو تستخدموها تاني لان ح تكون معطره بالمسك فلهذا ديرو مبشره خاصه غير امتاع الاكل وابشرو المسك يولي معاك زي الدقيق نفس الصوره بالزبط ولو تبو تستعملوه ع طول عادي مافيش مشكله لكن لما تستعملوه طول يتفتف معاكم هذا علاش نحب نخلطه،،
ـ بعدين تاخدو مقدار كاشيك ونص صغير مسك مع قطرات فقط زيت جونسون و 2كواشيك صغار مية ورد يعني لين يولي معاك سائل لما تخلطيه نفس الصوره بالزبط وبعدين سخنيه دقيقه واحده ف الميكرويف ف حالة ما عندكش ميكرويف تقدري تسخنيه ع النار حاجه بسيطه لين يولي معاك سائل نفس الصوره وحركيه بسرعه لان ح يجمد معاك وحطيه ف اي شيشه نظيفه فاضيه عندك ولو جمد معاك زيديه شويه مية ورد وخلطي المكونات هو ف الشيشه كويس وطبعاً الريحه خططططططيره؛؛ - طريقة الاستعمال تاخدي قطنه نظيفه وتحطي منها المسك الي درتيه وامسحي بيها تحت الابط وحتي الاماكن الحساس من الخارج شوفو الريحه الي تجنن بصراحه انا الاماكن الحساسه وتحت الابط نحب نستعمل الحاجات الطبيعيه لان البرفان والمزيلات الي فيهم ريحه يكون فيهم نسبه كبيره من الكحول الي يسببوا سواد للمنطقه الحساسه وتحت الابط؛؛
- وتقدري تستعملي المسك المبشرو مع زيت جونسون هو تاخدي حكه نظيفه تحطي فيها مسك مبشور وتصبي عليها زيت جونسون تخليه لمدة يوم كامل يتنقع وبعد كل دوش تقدري تدهني جسمك بيه زي اللوشن للجسم وشوفو النعومه والريحه الخياليه جربوها وح تدعولي اكيد مش ح تندمو ابدا؛؛
- ع فكره تقدرو تخلطو مع المسك المبشور شوية شب لمنع التعرق تحت الابط حتي هو ممتاز؛؛
- بالنسبه لافضل مزيلات عرق
- استعملتهم وهما طبيات بدون ريحه ولكن مضادات للتعرق هو ماركة ڤيشي وبيوكست رهيبات فعلاً مضادات للتعرق بس مافيهمش ريحه لانهم خاليات من الكحول تماماً وما يسببوش اي تحسس يعني نستعمل ف المسك بعدين اندير من مضاد التعرق فيشي تحت الابط ويبدا الوضع 10/10 وح نزلكم بوست مستقل ع مزيلات الي حكيت عليهم؛؛
وبس حبيباتي اتمني الافاده للجميع دومتم متآلقات اوووهبكم اموواه …
