أفضل مزيل عرق

صباحو ورد بنوتاتي ومداماتي الطرفونات،،

حبيباتي بنحكيلكم ع افضل مزيلات عرق استعملتهم وممممممتازات جداً؛؛

177

  • اول حاجه ح نحكيلكم علاش يفضل يكون مزيل العرق طبي مش تجاري خاصةً للبشره الحساسه وتتآثر بسرعه ننصحها تستعمل مزيل عرق طبي خالي من الكحول والألمونيم الي يسبب تحسس للابط واسوداده خاصةً مزيلات العرق التجاريه كلها فيها كحول والالمونيم بنسبه كبيره هذا علاش لما تستعملوا مزيل عرق يسبب اسوداد الابط وديما لما تختارو مزيل عرق يكون بدون ريحه لان خلوها قاعده عندكم كل مازادت ريحة المزيل معناها فيه نسبة كحول كبيره فلهذا خليكم ع المزيلات الطبيه او الطبيعيه الي تتكون من الاعشاب الطبيعيه بدون اي مواد كيميائيه؛؛
  • اما مزيل او مضاد للتعرق من ماركة فيشي رول اون للبشره الحساسه هذا فووووق الروعه مممممتاز جداً ماركة فيشي طبي انا نستعمل فيه ليا فتره وطبعاً ما يخليش لا ريحه ولا يخليك تعرقي ولا يسبب ميه يعني حامي من التعرق 48 ساعه والنوع الي عندي زي الصوره مغطته لونها ابيض هذا يناسب البشره الحساسه والي زي حالتي تستخدم ف حلاقه تقدر تستعمله ما يسببلها اي تحسس ولا اسوداد ف الابط بجد رهيييييب جداً جداً ننصحكم بيه واكيد متوفر ف الصيدليات الكبيره،،
    ـ وفيشي فيه نوع تاني مغطته سماوي هذاكا يناسب الي مفرط التعرق يعني الي تعرق هلبا وتبدا كلها ميه تاخد الي مغطته سماوي مناسب ليها لانها اقوي ك مضاد للتعرق؛؛
  • اما مزيل ماركة بيوكست الي صورته ف البوست هادي ماركة مكونتها وتركيبتها عشبيه طبيعيه 100% مزيل عرق ممتاز وفيه ميزه انه يبيض الابط والميزه التانيه والاهم انه يخفف نمو شعر الابط مع الاستعمال اليومي بعد الدوش تستعملي منه تحت الابط يستمر معاك 24ساعه حمايه وما يلبزش حوايجك وف نفس الوقت خالي تماماً من الكحول والالمونيم المزيل هذا وظيفته يحميك من التعرق وف نفس الوقت يآثر مباشرة ع جذور الشعر يساعد ع تقليل كمية وسماكة الشعر بمعني اربعه فوائد ف منتج واحد ولكن ك مضاد للتعرق ڤيشي اااقوي منه يعني الناس العراقه تاخد فيشي افضل؛؛
  • طبعاً ف كدا ماركة ممتازه طبيعيه وطبيه منها:
    سيفر. بودي شوب. فكتوريا سكرب.كلينك. كلارنس.بزلين.وكدا ماركة ممتازه فيها مزيل عرق طبي كويس ما يضر البشره ولا يسود الابط؛؛

ملاحظه يستخدم للنساء والرجال؛؛

  • اخيراً ضروري نهتمو بنظافتنا ونغسلو يومياً وماتفكري تستعملي مزيل وانتي عارقه او يكون الابط مش نظيف ح يزيد الوضع سوء يسمر المنطقه ويدير ريحه مش حلوه ابداً فلهذا انتبهوا من الموضوع هذا.

وبس فلذات تشبدي اتمني الافاده للجميع اوووهبكم امووواه،،

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Widget Powered by Acurax Web Development Company
error: Content is protected !!