ماسك مطحون الشاهي الاخضر [قناع للوجه]

صحه غداكم بنوتاتي ومداماتي الطرفونات جمعتكم مباركة؛؛

حبيبات قلبي ماسك للوجه مكوناته خفيفه ومتوفره ف كل بيت بس قناع ممتاز جداً للبشره رغم سهولة مكوناته؛؛

178

  • مكونات الماسك هما حاجتين مرحي شاهي الاخضر+زبادي طبيعي فائدة الشاهي الاخضر للبشره لا تعد ولا تحصي وافضل مثل نعطيكم هي بشرة الاسياويين ديما تلقوا بشرتهم صافيه وتلمع من بعيد لانهم يشربو ف الشاهي الاخضر بكثره ويستعملوا فيه ك اااقنعه ب استمرار الشاهي الاخضر مضاد طبيعي للاكسده ومطهر للبكتيريا يعالج الالتهابات والحبوب يعني ممتاز من جميع النواحي,,
    ـ اما الزبادي هو مممتاز جداً جداً للترطيب البشره وتفتيحها لان الزبادي الطبيعي فيه مركب للتقشير بدون ما يسبب اي اذي للبشره ونفس المركب هذا يستخدمو فيه ف التقشيرات الكيميائيه بس بنسب اعلا يعني الزبادي مممممممتاز جداً للتفتيح وعلاج حروق الشمس وعن تجربتي الشخصيه فظيع هو الي عالج حروق الشمس الي عندي رهيب وتقدرو تستخدموه يومياً الزبادي الطبيعي ك ماسك بروحه مافيش مشكله خاصة الي بشرتها متضرره من الشمس ننصحها بيه هلبا؛؛
  • طريقة تحضير الماسك هو تاخدي كاشيك صغير من الزبادي الطبيعي مع كاشيك صغير شاهي اخضر مرحي وتخلطيهم مع بعض يتكون عندك زي الكريم نفس الصوره بالزبط طبعاً تغسلي وجهك كويس بالميه الدافيه وتنشفيه وتحطي الماسك بتاعك لمدة 20 دقيقه وتغسلي وجهك بالميه الدافيه بعدين البارده لتصكير المسام وتنشفيه وتحطي اي كريم مرطب عندك؛؛

وبس فلذات تشبدي اتمني الافاده للجميع دومتم متآلقات اوووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Widget by Acurax Small Business Website Designers
error: Content is protected !!