حبيبات قلبي بوست خفيف ع منعش البشره من ماركة انقلوت؛؛
- اول شي خليني انقوللكم معني منعش البشره بشكل عام لان وظيفته واحده بمختلف الماركات!!
- وظيفة منعش البشره قبل المكياج يعني قبل ما تحطي مكياجك ولا كريمة الترطيب امتاعك هو يرطب بشرتك وينعشها يخليها فرش ويعطيها لمعه صحيه يقولولها هلثي فيس ويهيئه بشرتك للمكياج؛؛
- اما وظيفته بعد المكياج يعني بعد ما تكملي مكياجك كله تقدري تبخي بيه ع وجهك بمسافة ذراع وتخليه يجف عليها يعطيك لمعه للوجه بزياده ويبثت معاك المكياج اكثر؛؛
- انا ااكثر انسانه نشري ف منعش البشره جربت معظم الماركات منها ماك.ميكب فورايفر. اربن ديكاي. ديور كلها ممتازه بس غاليه ف السعر لان من ماركات الهايد اند ،،
ـ ولكن جربت من ماركات ارخص طبيه ومنها تجميليه هي آفين.لاروشيه بوسي.سيفر.نيكس واخيراً انقلوت وكلها ممتازه؛؛
ـ وطبعاً منها الطبيعيه هي مية الورد تقدري تستخدميها ك منعش للبشره قبل المكياج وبعد المكياج لو تبي لمعه صحيه بزياده ف وجهك؛؛ - بس بنحكيلكم ع ريفرشينق فيس من ماركة انقلوت اي معناه منعش للوجه للبشره الدهنيه والمختلطه لان هما عندهم نوعين نوع الي لونه اخضر زي الي ف صورة البوست هو خاص للبشرهالدهنيه والمختلطه وفي نوع الي لونه وردي للبشره الجافه والحساسه؛؛
- طبعاً منعش للبشره فووووق الروعه بصدق انا قريب انكمله وح نشري منه تاني وثالت رهيب ينعش البشره ويرطبها ويعطي للوجه للمعه الصحيه الحلوه اصبح من الاساسيات الي نستخدم فيها بشكل يومي خاصة لما نطلع الصبح نبخ بيه وجهي ونحط كريمة الترطيب النهاري امتاعي او العكس لما نبي لمعه بزياده لوجهي نحط كريمة الترطيب امتاعي وبعدين نبخ وجهي بمنعش البشره من انقلوت بجد فوووق الروعه الي تحب وجهه فيه لمعه واشراقه صحيه ننصحها بيه لان ح يعجبها اكيد وريحته حلوه ع الاخر وسعره مناسب ف حدود (15)دينار تقريبا؛؛
- وانا نحط فيه ف الثلاجه باش يكون بارد لما نبخ بيه وجهي ينعش اكثر البشره؛؛
- ملاحظة تقدرو تستخدمو لتبيث اي ظل يكون قلتر او بيقمنت يعني يكون غبره هي تبخو فرشة مكياجكم بخه صغيرونه بيه وبعدين تاخدو الظل امتاعكم بالفرشه يقوي للون ويثبته اكثر؛؛
وبس حبيباتي اتمني الافاده للجميع دومتم طرفونات اووهبكم اموواه…
