غسول +مقشر [شاهي أخضر محطون]

‏ماسك_تقشير_للوجه?

صباحو فل مفلفل بنوتاتي مداماتي الطرفونات،،
حبيباتي بوست اخر الليل ع قناع وتقشير للوجه مكوناته سريعه ومتوفره وبسيطه،،

17

  • اول شي قبل ما حطيت القناع درت تقشير لوجهي باش نظف المسام وبشرتي تستقبل القناع بسرعه ويعطي فايده اكبر التقشير هذا فوووووق الممتاز ومتوفر ف كل بيت!!
    ـ عباره عن شاهي اخضر مطحون نفس الصوره انا واخده شاهي الاخضر ورحيته ف ماكينه بدا زي البودره ندير فيه مقشر لوجهي مممممممتاز يا بنات الشاهي الاخضر للبشره يصفيها ويخليها نظره لان هو مضاد للاكسده ننصحكم بيه هلبا وعندي عضواتي اول مانزلت ع الشاهي الاخضر جربو القناع ومكعبات ثلج بشاهي الاخضر وع طول يقولولي شوفنا نتيجه حلوه،،
    ـ الطريقه ساهله جداً تاخدي شاهي الاخضر المرحي تحطيه ف كف ايدك وتحطي عليه شويه من غسول وجهك او ميه وتدمجيه ما بين ايدك وتحطيه ع وجهك يكون مببلول وتفركيه بحركه دائريه خفيفه خلوه 10 دقايق واغسلوا وجهكم بالميه الدافيه لان ح تحطو بعده قناع لوجهكم مازال نبو المسام مفتوحه؛؛
    ـ والتقشير للوجه او للجسم يستخدم مره واحده ف الاسبوع؛؛
  • مكونات القناع سهله ومتوفره ف كل بيت هي:
    كاشيك صغير من حليب بودره اي نوع متوفر+ بودرة اطفال اي نوع متوفر عندك+زبادي طبيعي اي نوع متوفر عندك خلطيهم مع بعض يولي معاك زي الكريمه حطي منه ع وجهك كله و رقبتك 20دقيقه لين يجف تماما ً القناع واغسلي وجهك بالميه الدافيه بعدين المصقعه اخر خطوه خودي ثلجه مرريها ع وجهك باش تصكري المسام؛؛
  • فايدة القناع هذا ترطيب+نظاره للبشره يخلي ملمس بشرتك زي البيبي فظيع اكثر شي ننصح بيه الناس الي انصهدت من شمس البحر والي وجهها واخد ضربة شمس ننصحكم بيه جداً جداً وفايدته رهيبه يا بنات معروف الحليب مبيض للبشره طبيعي والزبادي فيه مادة مقشره طبيعيه لتجديد خلايا البشره بودرة الاطفال او النشآ يشد البشره اكثر؛؛
  • في حالة بشرتك واخده ضربة شمس قويه ومآثره فيها استعملوه 3مرات ف الاسبوع في حالة بشرتكم تبي نظارة وترطيب حتي مرتين ف الاسبوع تكفي؛؛

وبس حبيباتي اتمني الافاده للجميع دومتم بود اوووهبكم امووواه…

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!