‏تي_ڤي_1

هلا وغلا بنوتاتي ومداماتي الطرفونات؛؛
حبيبات قلبي بوست سريع ع رموش كريولاين الاصطناعيه و رآئي فيهم الي تحب تركب الرموش ف المناسبات وتحبهم خفاف وطبيعيات ح تستفيد من البوست؛؛

• حبيبات قلبي انا من النوع الي ما نحبش الرموش ولكن نحب نجرب ونغير ف للوك امتاعي هلبا ع المهم خديت رموش هادو من كريولاين عجبوني ف الباكو خفاف ونصحتني بيهم الادمن الي معاي دودي لانها تشتغل ف كريولاين بصدق عجبوني ع الاخر مع انه ما نحبش الرموش لان طبيعة عيوني حساسات فلهذا ما نتحملهمش ولكن رموش كريولاين حلوات وخفاف ع العين وحتي شكلهم طبيعي جداً مش أوفر وشكلهم باين ع عيني كآني مش مركبه رموش وع الطبيعه مازال احلا من الصوره؛؛
• ع فكره هما عندهم كدا نوع يعني الي عروسه تبيهم اثقل و دروماتك اكثر تاخد تي في 4 معبيات اكثر بس حلوات ويمشو مع المكياج الثقيل او السموكي ايز؛؛
• الي بتسئل ع لصقة رموش افضل لصقة رموش الي مستحيل تحسس العين هي الديو قلو موجوده عند انقلوت بس للامانه مانعرفش سعرها وفي لونها اسود و ابيض والزوز ممتازات تلصق الرموش كويس وما تسبب اي مشاكل للعين؛؛
• طريقة تركيب الرموش سهله جداً خودي الرمش وحطي عليهم لصقه بعود اوذان ع طرف الرمش واهم شي تخليه ينشف يعني خليه لمدة دقيقه تجف للصقه الي عليه وبعدين ركبي الرمش حاولي قدر الامكان تقربيه لمنبت الرموش وبعدها حطي مسكرتك لدمج الرموش الطبيعيه مع الصناعيه ومره اتنين تتمرني ع تركيب تولي محترفه ما نبيش نسمع كلمة مانعرفش لان المكياج يبي ممارسه ومع الممارسه ح تكوني خبيرة نفسك؛؛
• هذا فيديو منزلاته ع الانستا يعلمكم تركيب الرموش بكل سهوله

v style=" background:#F8F8F8; line-height:0; margin-top:40px; padding:50% 0; text-align:center; width:100%;">