حبيباتي بنوتاتي ومداماتي الطرفونات؛؛
ح نقوللكم اسهل طريقة لتوزيع الكونسيلر=خافي عيوب وتنوير المنطقه تحت العين التكنيك هذا اسمه بيكنج؛؛
- اول شي خلي نعرفو معني التكنيك هذا الي اسمه (بيكنج)ترجمته (الخبيز) يعني كآنك بتعجني عجينه وتخليها ترتاح وتتخمر باش تنتفخ وطعمتها اتكون احلا نفس الفكره ف المكياج انه تخلي مكياجك يرتاح وياخد وقته باش يعطيك فنش حلو و رايق ع الاخر؛؛
- الصوره تشرحلكم معني التكنيك هذا البيكنج اول شي قبل ما توزعي الخافي او الكونسيلر ضروري تكون امدايره كريمة ترطيب للعين باش ما يتكتل ولا يخطط معاك الكونسيلر بعدين حطي الخافي امتاعك اما بطريقة المثلث المقلوب او علامة صح باش تعطي تنور للمنطقه كلها الي تحت العين بعدين طبطبي بصبعك وبعدين ادمجي الكونسيلر امتاعك اما بفرشه او اسفنجة الدمج؛؛
- بعد ما وزعت الكونسيلر تحت عينها توا بدير تكنيك البيكنج الي هي زي ما تشوفو ف الصوره رقم (4) حطت للوس باودر امتاعها ب الاسفنجه وفي صوره رقم (5) خلتها البودره 5دقايق باش تعطي اضاءه اكثر واحلا تحت العين وفي الصوره رقم (6) مسحت البودره الزايده تحت عينها بالفرشه ورقم (7) هادي النتيجه النهائيه لتكنيك البيكنج او الخبيز انه تنور المنطقه الي تحت العين كلها وتخلي الوجه اكثر مشرق؛؛
وبس حبيباتي اتمني الافاده للجميع اوووهبكم اموواه..
