مساؤ حب وغلا في أخر الليل بنوتات ومدامات حبيبات قلبي الاعزاء؛؛
عضواتي الحلوات بنحكي اليوم ع غسل الفرش واسفنجات امتاع المكياج ضروري من غسلهم وتعقيمهم لان عدم غسلهم يتراكم عليهم البكتريا وتنقلها من للمكياج ولوجهك يعني نظافة الفرش مهمه جداً واساسيه؛؛
- طريقتي ف غسل الفرش ب اسهل الطرق انا نستعمل ف شامبو جونسون للاطفال لان يخلي الفرش نعمات خودو صونيه واسعه صبو فيها شامبو وقطرات زيت زيتون وخودو ب الفرشه بعد ماتبلوها غطسوها ف الصونيه بحركه دائريه يعني خودو الشامبو وبعدها افركيها ع ايديك انا نستعمل ف قفاز بدي شوب للسكراب او قفاز تنظيف الفرش من فرارتشي و ف كدا ماركه لقفازات تنظيف الفرش من سيقما وغيره بس ف نظري تكليف ع الفاضي و تقدرو تاخدو بديله في محلات الماعين يبيعو ف قوانطي التنظيف تلقوه زي المحفر شويه وارخص وينظف الفرش كويس كويس؛؛
- بعد ما تغسلوا الفرش وقفوهم ع طولهم بالعكس نفس الصوره باش الفرشه ما ينضر شعرها او تفسد خلوها يوم كامل لين تجف تماماً من الميه؛؛
- اما تنظيف اسنفجة بيوتي بلندر او غيره من الاسفنجات تجيبي الاسفنجه تحت الشيشمه تخليها لين تشربها الميه تنتفخ وبعدها تحطي عليها شامبو جونسون وتبي تغسليها ب إيديك مره اتين اغسلي واعصري تولي نظيفه جديده تلمع؛؛
- امتي نغسلو الفرش؟؟ الي تستعمل فيهم بشكل مستمر خاصةً فرش الاساس والباودر مره ف الاسبوع يكون لغسل الفرش ولكن ماتنسيش تعميقها بشكل يومي ب جل ديتول او منطف فرش من انقلوت او كريولاين تحطيه ع فوطه نظيفه وبحركه دائريه تنظف الفرشه وتتعقم ولكن اغسليها مره ف الاسبوع؛؛
- الي زيني انا ما تستعملش فيهم بشكل يومي مره بعد وين تغسلها مره ف الشهر ولو استخدمتها نعقمهااما بمنظف الفرش او جل ديتول؛؛
وبس دومتم بود حبيباتي اتمني الافاده للجميع اوووهبكم امووواه…
