استخدامات فرش المكياج

مساؤ حب وغلا بنوتات ومدامات حبيبات قلبي الاعزاء؛؛
غالياتي الصوره الي ف البوست توضح استخدامات فرش المكياج وكل استخدماتها؛؛

36

  • بنوضحلكم انواع فرش المكياج في نوع فرش شعرها طبيعي وف نوع فرش شعرها صناعي شني الفرق بينهم انه الفرش الي شعرها طبيعي يكون من الماعز او الحصان او الراكون هادي كلها شعر طبيعي ومشابه لشعر الانسان ممتازه طبعاً كجوده وديما تكون اغلا من شعر الصناعي بس فرش الشعر الطبيعي تكون ممتاز ف توزيع المكياج الي يكون باودر يعني تمشي مع ملمس المكياج او خامته باودر زي احمر خدود او بودره او ظل يكون باودر مش سائل لان بسرعه شعر الطبيعي يلقط اي ملمس باودر ف المكياج؛؛
    ـ عكس فرش المكياج الي يكون شعرها صناعي من النايلو او غيره تكون مخصصه للمكياج الكريمي زي كريمات اساس او ظل او احمر خدود يكون ملمسه كريمي بسرعه توزعه الفرشه الي شعرها صناعي تدمجه بدون تكتل عكس الطبيعي وسهلة الغسل لان ماتمتصش ف المكياج هلبا عكس الفرشه الي شعرها طبيعي؛؛
  • كيف تعرفوها الفرشه شعرها طبيعي او صناعي اغلبية فرش المكياج الي تكون شعرها طبيعي يكون لون شعرها لون واحد اسود مع بعضه او ابيض مع بعضه زي فرشة رقم(2) الي لونها اسود ساده هادي شعرها طبيعي؛؛
    ـ اما الفرشه الي تكون شعرها صناعي اغلبيتها اتجي بلونين ف شعرها تدرج ف الالوان زي فرشة رقم (1) والتانيات الي ب لونين؛؛
  • حاجه تانيه لو عندك اسفنجة بيوتي بلندر او ريل تكنيك تغنيك ع فرش الاساس تقدري توزعي وتدمجي بيها الاساس امتاعك وتعطيك تغطيه حلوه رائعه جداً الفرق بينها وبين الفرش ان الفرش تغطيتها تكون اقوي وفل كفر ؛؛
  • بس حبيباتي راهو مش قاعده الفرش ماتعقدوش ارواحكم لان ف خبيرات تجميل ع مستوي عالم منهم خبيرة تجميل بيبي براون لازالت تحط ف الاساس بإيدها وغيرها من خبيرات كل واحده وشني متعوده اهم شي الدمج بطريقه صحيحه ومايطلع متكتل؛؛
  • افضل ماركات فرش ك العاده سيقما. ريل تكنيك. كولستال. كركتر. مكياجي. ميكب فورايفر. ماك. ريفيلون. وكدا ماركة حلوه تانيه؛؛

وبس اتمني معلومه مفيده للجميع دومتم بود برنسيسات القروب اوووهبكم اموواه……….

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!