مزيل مكياج فيشي لاروشيه بوسي

مسائكم ورد بنوتاتي ومداماتي الطرفونات،،
حبيبات قلبي بوست سريع ع افضل مزيلات مكياج استعملتهم وينظفو تنظيف عميق والماركتين طبيات ومناسب لجميع انواع البشره؛؛

16

  • اول مزيل مكياج من ماركة ڤيشي(بورت ثرمل) والماركه هادي طبيه هذا المزيل اصبح من المفضلات عندي كملت واحد وتوا بنبدا ف التاني مممتاز و فوق الممتاز ينظف البشره بعمق وهو 3 في 1 يعني مطهر ومنظف ومزيل مكياج وتقدري تستعمليه للعيون ويحول المسكره والايلاينر حتي الي ضد الميه بكل سهوله وبدون ما يسبب اي تحسس للبشره حتي الي عيونها حساسه زي حالتي ح يناسبها هلبا والحلو الي فيه انه مايقعدش مزيت ع الوجه لا بالعكس يجف وع فكره حتي لو ما تبو تغسلوا وجهكم بعد ما تمسحوا بمزيل مكياج فيشي عادي لان هو منظف ومطهر ولكن انا نغسل ف وجهي بعد ما نمسح بس ف حالات نبدا تعبانه نمسح وجهي ونرقد وعادي ما يسبب اي ضرر ومزيل فيشي مازال اقوي ف التنظيف ويمسح المكياج كويس اكثر من مزيل مكياج لاروشيه بوسي،،
  • يستخدم مع قطنه حطي منه شويه ع القطن امتاع المكياج ننصحكم بقطن جونسون ناعم ع البشره واكيد تلقوه متوفر ف الصيدليات للامانه مانعرفش سعره مزيل مكياج فيشي لان جاني كولكشن كامل هديه من الوكيل؛؛
  • تاني مزيل من ماركة لاروشيه بوسي الماركه هادي طبيه طبيعيه كل مكوناتها ب الاعشاب ومناسب لجميع انواع البشره وهو مزيل للوجه وللعيون مايسبب اي تحسس للبشره ولا للعيون حلو ع الاخر ويرطب البشره متوفر ف جميع الصيدليات سعره حوالي20دينار ليبي؛؛
  • يستخدم حتي هو مع قطنه وتمسحي بيه كل وجهك وعيونك وبعدين اغسلي وجهك لو ما تبيش عادي لان هو منظف ومطهر؛؛
  • ف حالة ما تبوش تشرو مزيل مكياج جاهز تقدرو تصنعو مزيل مكياج بروحكم ف البيت خودو شيشة نص لتر ميه عبوها نصها ميه ونصها زيت زيتون او زيت جوزالهندالعضوي وتقدرو تمسحوا كل مكياجكم وعيونكم ولكن ولكن ف حالة عيونكم حساسه ما تقروبو الزيت نهائياً لان ح يضركم وانا واحده من الناس الي عيوني حساسه مانقدرش نمسح بالزيت لان يزيدني تحسس؛؛

وبس فلذات تشبدي اتمني الافاده للجميع اوووهبكم اموواه…

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2FB Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!