جل لرسم الحواجب انقلوت 

مساؤ ورد بنوتاتي ومداماتي الطرفونات جمعتكم مباركه،،

حبيبات قلبي هلبا يسئلوا فيا ع تاتو او جل لرسم الحواجب انا جربت جل الحواجب هذا من انقلوت وعجبني هلبا هلبات قلت خلي انزلكم بوست انفيد بنوتاتي ومداماتي ولون الجل نفس صورتي الي ف البوست هذا لونه ع حواجبي؛؛

3

  • جل الحواجب هذا من انقلوت عندهم فوق 12درجة لون بس احلا درجه شوفتها هادي صورته ف البوست رقمه 15 والدرجه هادي تمشي مع اغلبية الوان الحواجب لانه لونه حلو جاي ما بين البني والتشكلط يعني درجته تشكلط فاتح حلوه ع الاخر وسعره مناسب جداً ب20 دينار غير انه يسد ويقعد معاكم لان كميته كويسه ومدة صلاحيته بعد الفتح 9 شهور مناسب من جميع النواحي الجوده والسعر؛؛
  • الحلو فيه والي عجبني انه اول ما ترسمي بيه حتي لو طلعلتي ع حدود حواجبك وتلبزتي تقدري تمسحيه بسرعه مش زي الانواع التانيه الي تقعدي تمسحي فيه لين حاجبك يطيب من المسح هادي نقطه قليل ما تلقيها ف اي جل او تاتو حواجب الميزه التانيه انه اول ما ينشف يقلب من جل الي باودر وهادي احلا واحلا يبان شكل الحاجب طبيعي ومش متكتل ولا يبس شعر الحواجب عكس الانواع التانيه بجد انا عجبني والي دور ع جل حواجب كويس ننصحها بيه؛؛

وبس غالياتي اتمني الافاده للجميع دومتم بود اوووهبكم امووواه.

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!