ـ سوبرا كلر ـ

صباحو ورد اخر الليل بنوتاتي ومداماتي الطرفونات؛؛

حبيبات قلبي بوست ع كريم اساس ماركة كريولاين سوبرا كلر للبشره العاديه والجافه والكريم هذا فل فل فل كفر يعني امتاع مناسبات او عرايس فقط ما ينفعش نهائياً للاستعمال اليومي لانه ثقيل هلبا؛؛

1. سوبرا كلر انا شريته الاساس هذا لماما لان انا شخصياً ما نستعملش نهائياً ف الاساس امي بشرتها جافه وسوبرا كلر تناسب البشره الجافه والعاديه لانها كريميه هلبا وفيها نسبة ترطيب عاليه والكفر امتاعها قوووووووي امتاع مناسبات وطبعاً ثااااااتبه طول الوقت مستحيل تخطط ولا يقلب لونها ابداً ابدا ممممتازه ننصح بيها للناس الي تحب الاساس القوي وللعرايس ننصحكم بيها خاصة ليلة حفلتكم اتفيدكم هلبا هلبا هلبا وفي نفس الوقت سعرها مناسب تقريباً ف حدود 40 دينار وحجمها يقعد معاكم حتي سنه هي مدة صلاحيتها من بعد الفتح 24شهر يعني صلاحيتها من بعد ما تفتحيها سنتين  ممتاز جداً و اوفر وجودتها حلوه؛؛
   ـ طريقة استعمالها ك اي كريم اساس بس سوبرا كلر تبي دمج هلبا لانها ثقيله بعد ما تحطي كريمة ترطيب ع بشرتك استني 10 دقايق يمتصه بشرتك كريم الترطيب وحطي الاساس امتاعك وادمجيه اما بالفرشه او اسفنجة الدمج؛
2. اللوس باودر الي هي البودره الحره او المنثوره يا بنات ررررررهيبه ررررهيبه هي يقولولها بودرة التخليط هما يجو زي فازوات البهارات بودره الوانها خام وبعدين الوكيل يخلطوا منها يطلعولك لون بشرتك بالزبط ممممممتازه يا بنات مناسبه لجميع انواع البشرات خاصةً الدهنيه بعد ما تحطي الاساس امتاعك حطي فوقها البودره الحره تمتص كل الزيوت وتعطيك لون موحد للبشره والحلو فيها انها ما ديرش خطوط ولا تتكتل لانها خفيفه حره ممممممتازه وانا شخصياً نستعمل فيها للتبيث الكونسيلر رهيبه وسعرها مناسب ب20 دينار جداً مع حجمها والكميه الي فيها تقعد معاك فوق6 شهور او ع حسب استعمالك وفي عضوات تقابلت معاهم ف محل كريولاين ونصحتهم بيها يرايت يحكونا تجربتهم؛؛

• طريقة الاستخدام ك اي باودر عاديه بعد ما تحطي الاساس امتاعك تاخدي الباودر بالفرشه وتحطوها ع كامل الوجه وع فكره تنفع حتي للجسم خاصةً العرايس تناسبهم؛؛
• وفي زيها هي بس بلمعه رررررهيبه يا بنات تنفع للجسم وتقدرو تستخدموها ك اضاءه للوجه للعرايس الي معاي ديما يسئلوا فيا ع نوع باودر يكون بلمعه ننصحكم ب لوس باودر من كريولاين بلمعه وسعرها مناسب ليكم وكميتها كبيره؛؛
• اما الاساس للبشره الدهنيه قبل ما تحطي مكياجك ضروري تحطي بيز لتخفيف زيوت البشره ويغلق المسام بشكل مؤقت يعبيها يعني البيز وظيفته يخلي ملمس البشره مخملي باش لما تحطي الاساس امتاعك ما يديرش خطوط ولا يزيت معاك ومكياجك يقعد لمده اطول وطبعاً في كدا ماركه للبيز منها انقلوت.كريولاين.قوش. بينفت.ميلبين. وكدا ماركه ممتازه؛؛
  
• وع فكره في نفس الشكل للاساس من ماركة كريولاين اكوا كلر للبشره الدهنيه تستخدم بالميه وتجف ع البشره طول مستحيل تزيت ولا تقلب معاك،،
• لو ما تبوش اساس ثقيل ننصحكم ب اسبراي الاساس من كريولاين يجنن يجنن تغطيه امتاعه من خفيف لمتوسط وما يستحق تتبيث ب الباودر لان ع طول ينشف انا جربته ف المحل وعجبني هلبا هلبا؛؛
  
• لو ما تبوش تشرو من ماركة كريولاين افضل ماركات الاساس هي: ماك. استيلودر. شنايل. ميبلين لوريال. برجوا. لانكوم. نارس. جفنشي. ديور وكدا ماركه حلوه الماركات الي ذكرتها فيها الغالي وفيها الرخيص وفيها التغطيه الخفيفه و الوسط والثقيله يعني تقدرو تقررو ع حسب اختياراتكم؛؛

وبس حبيباتي اتمني الافاده للجميع دومتم بود اوووهبكم امووواه.