روج ڤامب

معرض الصور
1 صور
روج ڤامب
8

مسائكم اخر الليل بنوتاتي ومداماتي الطرفونات؛؛

حبيباتي بوست خفيف ع الالوان الجريئه والجديده للارواج،،

180

  • امس خديت حاجات من كريولاين وانا مكسده قعدت انجرب فيها كلها عجبتني من كونسيلر لايلاينر وحتي الايلانير الفضي الي مدايراته ف مقدمة العين ررررررهيب والقلم الذهبي داخل العين بصراحه امس امشيت لكريولاين لحبيبتي وصديقتي دودي الادمن الي معاي ف القروب وجربت اللوك هذا مكيجت عند كريولاين وهادي ميزه بجد عند كريولاين انه دودي تجرب المنتج ع الزبونه قبل ما تشريه بجد حاجه حلوه وانه الزبونه تاخد مكياجها وهي راضيه عليه وطبعاً الادمن دودي ارتست متخصصه ف المكياج وعندها خبره لابآس بيها وتساعدكم ع اختيار مكياجكم،،
  • ع المهم بغض النظر ع المكياج الي عجبني موضوعي الرووووووج اللون جريئ جداً جداً ومش ح يعجب الكل لان لونه غريب ف نظر البعض والبعض الاخر ما تقدرش تحطه لانه لونه قوي وجريئ جداً جداً بس انا شخصياً انحب الالوان هادي وخاصة الاسود رهييييييييب انا شخصياً يعجبني مع سموكي ايز،،
  • الالوان الدارجه ف الوقت الحالي وحتي الارتست  بدو يبدعو ويبتكرو ف لوكات غريبه ب الوان جريئه زي الاسود او الازرق او الاخضر او الموف الغامق الالوان الغير مؤلوفه ع النظر يعني خلاص اجتازو مرحلة الوان الارواج العاديه والمعتاد عليها الي هي درجات البينك او النود او الفوشيا الفاقع وطبعاً اذواق في الي تقدر اديره وتطلع بيه ف مناسبه وفي الي مستحيل اتحطه ولو كان يزيدوها فلوس،،
  • انا شخصياً مستعده اندير الالوان هذا وفيما سبق امدايره اسود طلع بيرفكت يجنن مع سموكي ايز لان خلاص جربت كل الالوان المعتاده والمتعارف عليها عندي درجاتها فلهذا نبي نجرب حاجه جديده وغريبه ونبتكر الوان تانيه انا نحب التجديد وشغفي للفاشن ف دمي فلهذا عندي جرئه انجرب اي لوك ماعنديش مشاكل ابداً؛؛
  • اللون الي مدايراته ف الصوره اسمه ڤامب يعني مستوحي اللون من الفامباير هما مصاصين الدماء الي يجو ف الافلام وحتي اللون هذا دارته الفنانه ريانا ف اخر كليب ليها واسمه للوك ڤامب تقدرو تبحثو عليه ف اليوتيوب اغلبية الارتست العالميه دارته اللوك الي معتمد ع لون الروج الجرئ والغامق الي هو الڤامب للون جاي ما بين البدنجالي والاسود،،
  • الطريقه الي معتمدتها ف رسم الشفايف هي الاومبري يعني تدرج الالوان رسمت شفايفي بقلم انقلوت سوبر بلاك رقم 1لونه اسود وحطيت روج ع كل الشفايف والقلم الي رسمت بيه لونه بدنجالي من كريولاين وبعدها حطيت قلوس ف وسط الشفايف من كريولاين اسمه ڤامب الحركه هادي تعطي ڤوليم للشفايف يبانو اكبر وتاتش حلوه تقدرو اديرو الطريقه هادي ب اي الوان او درجات ف الارواج الي تحبوها،،

وبس حبيباتي اتمني افدتكم بتجربتي دومتم متآلقات اووووهبكم اموووواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!