مسائكم ورد بنوتاتي ومداماتي الطرفونات جمعتكم مباركه،،
حبيباتي ماسك للبشره ع السريع مكونات متوفره ف كل بيت وبسيطه جداً،،
- انا امس درته الماسك قبل ما حطيت القناع ع وجهي درت تقشير ع السريع لوجهي انا نستخدم ف المقشر التجاري اسمه بيرفكت الي ف الصوره لونه اخضر وتقريباً سعره ب10/15 دينار ليبي متوفر ف محلات المكياج باب غشير،،
- ف حالة ماعندكم مقشر تجاري مش مشكله ديرو مقشر طبيعي خودو كاشيك صغير من قهوه عربيه+زيت زيتون+سكر وقشرو وجهكم بحركه دائريه خلوه 5 دقايق واغسلوا وجهكم ،،
- الماسك الي درته امس هو ترمس مر مرحي+ زبادي طبيعي طبعاً الترمس المر يقولوله خبراء التجميل الماسك السحري لان ممتاز لتصبغات ويخفف نمو شعر الوجه ويشد الوجه وينظف البشره كويس،،
- المقدار زي الصوره قدامكم كاشيك صغير من ترمس المر المرحي+زبادي طبيعي اي نوع متوفر عندكم وتخلطوا المكونات مع بعض يولي معاكم زي الكريمه نفس الصوره حطو القناع ع وجهكم من 10/20 دقيقه واغسلوا الماسك ف الاول بميه دافيه بعدين ميه بارده وتمرر ثلجه ع وجهكم باش تصكرو مسامات الوجه،،
- انا نستخدم ف اي ماسك مره كل نهاية اسبوع اما خميس او جمعه ولان بشرتي صافيه مش لازم انكثر اكثر من مره ف الاسبوع،، الي عندها مشاكل ف بشرتها عادي ادير3 مرات ف الاسبوع خاصة الي عندها تصبغات ننصحها هلبا بالترمس المر لبشرتها،،
- وع فكره تقدرو اديرو الماسك هذا ترمس مر مرحي+ مية ورد لايديكم او لرجليكم او لاي مكان ف تصبغات ف جسمكم وتخلوه الماسك يجف وبعده قشرو بحركه دائريه ممتاز للتصبغات ويشد البشره،،
- ولو مش متوفر عندكم ترمس مر مرحي بديله اما حمص مرحي او نشآ او حليب بودره حتي هو ممتاز للوجه،،
- وطبعاً بعد اي ماسك او تقشير للوجه تحطو اي كريم ترطيب متوفر عندكم،،
وبس حبيباتي يالله نوضو انشطو وديرو ماسك لوجهكم فكوني من بخلكم ايوا? …. دومتم بود وك العاده اوووهبكم اموواه
