بيس العيون من انقلوت

مساؤ ورد اخر الليل حبيبات قلبي بنوتاتي ومداماتي الطرفونات

حبيباتي هذا بوست ح نشرح فيه بالمختصر ع بيس انقلوت انا شخصياً عجبني وحبيت نفيدكم بتجربتي معاه،،

43

  • اول شي شني معني كلمة بيس يعني الاساس الي ينحط قبل الظلال شني فايدته يقوي لون الظل امتاع العين ويصحح لون جفن العين خاصةً الي زي حالاتي هالات وتعب وارهاق ينفع بيهم يخلي لون الجفن واحد وما يزيت ولا يخطط معاك الظلال ابداً ننصحكم بيه هلبا لان ح يناسب الناس الي تستعمل ف ظلال ع عينها يساعد ع ثبات وقوة ف للون اكثر،،
  • طريقة الاستعمال سهله وبسيطه بعد ما تحطي كريم الترطيب امتاعك انا نستعمل ف فيشي اكواليا لترطيب العيون وناخد حاجه بسيطه بصبعي الوسطي ونحط ع الجفن الفوقي بالطبطبه ع كامل الجفن الفوقي وحتي تحت الرموش السفليه ف حالة نبي انظلل تحت الرموش السفليه او نكحل يثبت الكحل ويبين اللون اقوي وافضل؛؛
  • وع فكره تقدرو تستعملوه بدون حتي ظلال زيني انا اندير فيه بدون ظلال نبي نوحد الجفن وما يقعدش مخطط فوق عيني،،
  • بيس انقلوت شبيه ب بالبيس من ماركة ماك سوفت اوكر غير انقلوت ارخص من ماك،،
  • البيس الي ف الصوره رقم 1 ويناسب جميع الوان البشره لان يستخدم تحت ظلال سعره مناسب جداً تقريباً ف حدود17 دينار ليبي،،
  • هذا لينك صفحة انقلوت ليبيا كاتبين عناوينهم واماكن البيع امتاعهم

 https://m.facebook.com/profile.php?id=190585604355884

وبس حبيباتي اتمني الافاده للجميع اوووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!