مساؤ جمال بنوتاتي ومداماتي المزموزات

حبيبات قلبي ح نشرحلكم ف البوست كيف تحطو الروج اكثر ثبات لوقت اطول وفنش انظف؛؛

• الصوره الي ف البوست صورة شفايفي الروج من ماركة بودي شوب والقلوس من ماركة اتش اند ام هما مش موجودات ف ليبيا بس تلقو بديلها من ماركة انقلوت متوفر للون هذا؛؛

1. اول شي لما تبي اديري روج خاصة لما يكون مطفي مات ضروري ضروري يكون شفايفك مرطبات كويس باش لما تحطي روجك ما يطلعوا القشور ف شفايفك الي دره الكبد ،،
   ـ ح نقوللكم ع طريقتي انا ناخد ف فازلين والافضل يكون مرطب ثقيل زي فازلين وتحطي شويه ع شفايفك تخليه 5 دقايق وتاخدي كلينكس تمسحي الفازلين من ع شفايفك بحركة دائريه حولي كل القشور من ع شفايفك الطريقه هادي تجنن ومع الاستمرار عليها تخيلي شفايفك ورديه لان تقشير الشفايف وترطيبها مهم،،
2. تاني شي لما تبو تحطو اي روج يعجبكم الافضل تحددو شفايفكم بقلم نفس درجة الروج او اغمق منه بدرجه واحده ارسمو شفايفكم حددوها وبعدين حطو روجكم ف نص الشفايف وادمجوها يعطيكم فنش حلو ومرتب؛؛
3. ثالث شي لو مثلاً طلعتوا ع حدود شفايفكم تقدرو تعدلو الخط ب عود اوذان وتاخدو شويه باودر بعود الاوذان وتحددو خط الشفايف بدون ماتتلبزو؛؛
   ـ نصيحه اخيره ردو بالكم تبلو شفايفكم بلسانكم لانها حركه غلط وتسبب اكثر ف جفاف وتشقق الشفايف حطي اي مرطب يعجبك باش يقعدو طول الوقت مرطبات والامور عال العال
   

• المرطب الي نستخدم فيه متوفر ف كل الصيدليات هو اما من ميبلين بيبي لبس او من بالرمز والزوز فيهم حمايه من الشمس وسعر كل واحد ف حدود4/5 دينار ليبي ترطيبهم حلو بس الي اقوي منهم وننصحكم ترطبو شفايفكم ف لليل قبل النوم هو فازلين ممتاز ف الترطيب العميق؛؛

وبس حبيباات قلبي اتمني الافاده للجميع اوووهبكم امووواه