كريم ترطيب للبشره الجافه الحساسه [ ڤيشي اكواليا ريتشي ] جل لترطيب العيون [ فيشي اكواليا آيز]

احلا صباح ع احلا بنوتاتي ومداماتي الطرفونات

حبيبات قلبي بوست خفيف ع كريم ترطيب للبشره الجافه والحساسه من ڤيشي وجل مرطب للعيون من ڤيشي،،

30

  1. اول شي بنحكي ع مرطب الوجه ماركة ڤيشي من مجموعة اكواليا يعني المجموعه هادي اساس ترطيبها تحافظ ع الميه ورطوبة البشره بدون ما تزيت عليها او تسد المسام بسبب كثرة الزيوت الي فيها هي كريمه ترطيبها خرااااافي وعالي جداً تناسب البشره الجافه والحساسه لانها بدون كحول بالعكس تهدي البشره لان زي ما قلت اساسها ميه ننصحكم بيه ف النهار او حتي قبل المكياج ترطيبها عجيب عضواتي الي يشكوا من القشور ف وجهم خاصة قبل المكياج ننصحكم بيها ترطب بشرتكم وتعطيها لمعه صحيه لانها لايت خفيفه جداً في نفس الوقت ترطيبها عااالي جداً؛؛
    ـ هي في منها نوعين الي عندي ف الصوره هو للنهار انا نستخدم فيه قبل ما نطلع من البيت  لان فيها واقي شمس لانها كريمة نهاريه يعني لو تستخدميها هي ما تستحقي واقي فوقها وفي حالة اديري ف مكياج اديريها قبل مكياجك ب10 دقايق باش تمتصها البشره وتحطي مكياجك عادي ،،
    ـ اما الكريم لليلي هي مرطب ليلي تستخدميه قبل النوم ،،
    ـ وفي نفس النوع والشكل زي الصوره مكتوب عليه لايت هذا يناسب البشره الدهنيه والمتخلطه؛؛
  2. تاني شي هذا الجل بدا عندي الحب كله بجد بجد خفف الاجهاد والخطوط تحت عيوني لان طبعاً زي ما انتم عارفين انا ما نرقدش الا 3/4 ساعات ف اليوم ومرات نقعد باليومين مانرقد نستحق جل مرطب للعيون وخفيف ع البشره يا بنات الجل هذا من ڤيشي فظيع فظيع هو من قدام زي الرول الستيل انا حطاته ف الثلاجه باش لما اندير منه حول عيوني يكون مبرد ويحول انتفاخات العيون لما تنوضي الصبح بجد رهيب هو مكتوب عليه انه يستخدم للاكياس الصغيره الي تطلع تحت العيون والهالات السوده بصراحه تجربتي معاه فعلاً خففلي من الخطوط الي تحت العين وخفف من انتفاخ العيون هلبا بس الهالات لا لان انا هالاتي سببها اعصاب معده مش من السهور يعني اي منتج كان مش ح يفيدني لان عندي مشكله داخليه ف المعده بالنسبه لتخفيف الهالات ولكن للخطوط الرفعيه والانتفاخ الي تحت العين مممممممتاز جداً وننصح بيه هلبا وبشرط تحطوه ف الثلاجه لان الحاجه المصقعه تبرد وتخفف من الانتفاخ اكثر،،
    ـ استعماله مرتين ف اليوم اول ما تنوضي الصبح وقبل ماترقدي وخاصة قبل المكياج لما اديريه تحسيه يشد اكثر تحت العين وترتاح اكثر بجد يجنن هو قريب يكمل مني وح نرجع نشريه تاني ،،

حبيباتي هادي صفحة وكيل ڤيشي لاي استفسار ع السعر واماكن البيع اضغظوا ع الرابط واسآلوهم

https://m.facebook.com/profile.php?id=335508049813722

 وبس غاليات صباحكم مبروك وعدوكم مهلوك وك العاده اوووهبكم اموووواه.

181

هذا نوعين واحد للبشره الدهنيه مكتوب عليه اكواليا لايت والتاني للبشره الجافه مكتوب عليه اكواليا ريتشي

30

وهذا الي عندي للبشره الدهنيه والمختطله اكواليا لايت بس ترطيبه عالي جدا

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!