غسول للبشره الدهنيه [ فيشي ] + غسول للبشره الجافه [لوريال]

مساؤ فل مفلفل بنوتاتي ومداماتي المزموزات
حبيبات قلبي بوست ع غسولاتي الحاليه الي نستعمل فيها واحد للبشره الدهنيه والمختلطه والتاني للبشره العاديه والجافه باش نرضي جميع البشرات،،
13
  • اول غسول للبشره الدهنيه والمختلطه هو غسول ڤيشي الي لونه اخضر ف الصوره الغسول هذا فضيع علاش ينظف البشره من الاعماق ويخفف من زيوت البشره في نفس الوقت ما يجففش البشره عكس غسولات التانيه للبشره الدهنيه مجموعة نومادريم (Normaderm deep cleansing gel ) من ڤيشي كلها مخصصه للبشره الدهنيه والمختلطه وهي تنظم افرازات دهون البشره الدهنيه والمختلطه يعني تنظف البشره بدون ما تجففها ممتاز جداً وڤيشي ماركة طبيه وننصح بيه الناس الي تاخد ف علاج لحب الشباب لان اي علاج حب الشباب يسبب جفاف رهيب للبشره والغسول هذا لطيف ينظف بشرتك بدون ما يسببلها اي جفاف لان حامض الصفصفاف فيه اقل من الغسولات التانيه للبشره الدهنيه،،
    ـ هو يستعمل مرتين ف اليوم مره الصبح ومره ف الليل بس انا نستعمل فيه مره واحده ف الصبح او بعد ما نمسح مكياجي نغسل بيه ينظف بعمق اي بقايا مكياج ممتاز جداً جداً وطبي غير مضر بتاتاً؛؛
    ـ وكيل فيشي لاي استفسار ع اماكن البيع او السعر

 https://m.facebook.com/profile.php?id=335508049813722

  • تاني غسول هو من لوريال انا نستعمل فيه ع طول لان يرطب البشره وينعمها هو غسول للبشره العاديه والجافه يعني تغسلي بيه يرطب بشرتك وينعشها ومناسب للبشره الحساسه لان خالي من الكحول تماماً؛؛
    ـ طريقة استعماله للبشره الجافه والعاديه مرتين ف اليوم مره الصبح ومره ف لليل بس انا نستعمل فيه مره واحده ف اليوم وهي ف لليل ومتوفر ف كل الصيدليات انا خديته من صيدلية ذات الصواري سعره تقريباً 10 دينار ليبي؛؛

وبس حبيبات قلبي اتمني الافاده للجميع اوووهبكم امووواه……

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Integration by Acurax Wordpress Developers
error: Content is protected !!