مسائكم ورد بنوتاتي ومداماتي الطرفونات
حبيبات قلبي زي ما وعدتكم ح نزل ريفيو ع كريمة من ڤيشي باي وايت لتوحيد لون البشره وتعطي اضاءه صحيه للوجه؛؛
- اكيد تعرفو ان ڤيشي ماركة فرنسيه طبيه معروفه هي علاجيه وتجميليه في نفس الوقت الكريمه هادي وظيفتها توحيد لون البشره و وقف تصبغات البشره يعني هي توحد لو بشرتك بس ما تبيضها يعني لو كان بشرتك سمراء من ربي مش ح تخليك بيضاء علجيه ومافيش اصلاً كريمه تغير لونك الاصلي لبشرتك بس الكريم هذا مرطب يومي في كريم نهاري وفي ليلي الي ف الصوره نهاري وانا استعملته رووووعه الصراحه الي عجبني فيه انه جل وما يخليش البشره تزيت بسرعه الكريم يمتصه البشره ويتلاشآ خفيف ع الاخر وفي نفس الوقت علاجي؛؛
- وظيفة الكريم هذا يوحد لون البشره ويرطبها لان يحتوي ع مركب السيراميد والكافيين وفيتامين بي3 ينظم عمل خلايا الميلانين ويوقف الافراز الغير منظم لصبغة الميلانين الي هي تكون مسؤوله ع تصبغات بشرتك واحسن ما فيه حتي لو وقفتي ع استعماله ما يرد ع بشرتك بنتيجه عكسيه لان ااامن جداً وخالي من الكحول والبرابين ؛؛
- يناسب جميع انواع البشره الدهنيه والمختلطه والجافه والحساسه؛؛
- مدة استعماله باش اتشوفي نتيجه ملحوظه بالفعل تبي 3 شهور مستمره تستعمليها كريم النهار يستعمل ف النهار وتقدري تحطي مكياجك فوقه عادي ولو تبو بروحه عادي ع حسب الذوق والليليه ترطبو بيها قبل النوم ع بشره نظيفه طبعا؛؛
- تجربتي انا معاها نقدر نحكم عليها ترطيبها روعه ومناسبه خاصةً ف الصيف لان ترطيبها خفيف وجل بسرعه ما تمتصه البشره بس ما نقدر نحكم عليه من ناحية التصبغات لان بشرتي صافيه ولكن ف ناس مجربينه تشكر فيه بس ماركة ڤيشي ممممممتاز بدون نقاش؛؛
- هادي صفحة وكيل ڤيشي في ليبيا تقدرو تستفسرو منه ع الاسعار واماكن البيع بالتفصيل
https://m.facebook.com/profile.php?id=335508049813722
وبس حبيبات قلبي اتمني الافاده للجميع دومتم بود اووووهبكم امووواه
