‫ ‏واقي جسم وشفايف

مسائو ورد وفل وياسمين عضواتي المزموزات

حبيباتي بوست خفيف بمناسبة الصيف والشمس المشرقه ضروري يكون عندنا واقي اليدين والشفايف لان مش الوجه بس الي يبي حمايه من الشمس لا غزالاتي حتي اليدين والرجلين والشفايف يستحقو واقي وحمايه من الشمس؛؛

188

  • عندكم لوشن فازلين بفيتامين حمايه ثلاثيه وموحد للون الجسم ينفع ترطبو بيه جسمكم كله ايدين رجلين وغيره ما عاد الوجه لان لوشن مخصص للجسم فقط ترطيبه حلو تمتصه البشره بسرعه مايقعدش يتلصق وف نفس الوقت يحمي ايديك ورجليك من الشمس يعني لما تجو تشرو خودو الفازلين الي لونه وردي زي ف الصوره هو هذا بس الي فيه حمايه وموحد اللون البشره فعلاً مع الاستمرار عليه يفتح لون الايدين حلو خفيف ومريح ومناسب للاستعمال اليومي انا الفتره هادي مغيره روتيني الصيفي ونرطب بيه ف جسمي حلو مستريحه عليه والاهم انه تمتصه البشره بسرعه يعني مناسب للترطيب ف الصيف لانه خفيف ما يقعدش يتعسل؛؛
  • اما تاني حاجه هو مرطب شفايف بيبي لبس ماركة ميبلين نيويورك ترطيبه حلو وفيه حمايه من الشمس 20% يحمي شفايفك ويرطبها ف نفس الوقت يعني لو بتطلعي ف النهار والشمس رطبي بيه الاول بعدين حطي الروج او الملمع الي يعجبك انا الصراحه نافعني ف النهار هلبا مرات انديره بروحه او مرات نرطب شفايفي لان ع طول نستعمل ف ارواج وقلوسات مات يعني مطفيه والارواج المطفيه ديما تكون جافه تبي ع طول ترطبي شفايفك قبلها ف بيبي لبس نافعني هلبا ترطيبه حلو وتمتصه الشفايف بسرعه ويستمر ترطيبه لوقت طويل ننصحكم بيه؛؛
  • متوفر ف كل الصيدليات وموجود ف صيدلية ذات الصواري سعرهم رخيص الفازلين والبيبي لبس ما يتعدا 10دينار ليبي

وبس حبيبات قلبي اتمني بوست مفيد للجميع اوووهبكم

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!