حبيباتي العضوات المزموزات اليوم موضوعي مهم جداً وجوابي لكل من سئلتني ع حقن التجميل انا نقوللكم حقيقه مؤكده الي معظم دكاترة التجميل مايبيش يعترف بيها للناس لان باب رزقه بيتصكر والي معظم الصفحات تروجله ولما نعلق بكلام الحق ي يمسحو تعليقي او يحظروني بس الحمدالله عندي قروب نقدر نحكي فيه بكل صراحه ع الحقن هادي وتآثيرها السلبي جداً ع البشره ويوصل كلامي لاكبر عدد ممكن من بنات بلادي وانفيدهم اكثر؛؛
- ح نعطيكم نبذه ع عدة حقن التجميل ب تقرير طبي كيف ادير ولشني؟؟
- البوتوكس مادة ترخي العضل وتزيل التجاعيد وتستخدم لحقن الجبين، محيط العينين ومحيط الفم، ويمكن تجديده بعد انتهاء مدتهولا يمكن استعماله الاّ مع التقدّم في السن؛؛
- الفيلر: لا عمر له يستعمل لتعبئة الفراغات في الوجه مثل الشفاه، الخدود، الجبين؛؛
- ميزو فيلينغ :Meso Felling وهو عبارة عن حقنة تحتوي على اسيد هاليرونيك وفيتامينات مع تقنيّة تشد الجلد فتظهر البشرة مشرقة مشدودة؛؛
- بلازما ريتش بلاتلت Platelet-Rich Plasma وهو سحب دم من المريض من ثم فصله عن الدهون والماء وحقنه في خلايا البشرة ما يزيد من نضارتها واشراقها.؛؛
- أوزون ثيرابي Ozone Therapy: وهي تقنيّة جديدة تقوم على زيادة مفعول تقنيّة بلازما ريتش بلاتلت Platelet-Rich Plasma عشر مرات؛؛
- هادم 5حقن تجمليه حديثه شرحها طبياً بنقوللكم انا رآئي فيها بحكم احتكاكي مع دكاترة تجميل ونشوف كيف يديرو فيهم ولمني طبعاً الحقن هادي اساسا ً داروها للمشاهير وللفنانين علاش لان هما ملزمين يجددو شكلهم ويشحطو وينفخو لان خدمتهم ف مجال الشوبز والتك شو وقدام الكاميرات ملزمين يبانو صغار ف السن ومافيش تجاعيد يعني حياة المشاهير غير حياتنا احنا ك ناس عاديه انا ضدهم بقوه كل حقن التجميل والعمليات كل حقن التجميل مفعولهم غير دائم اما 3/6شهور او سنه تجددي ع حسب تقبل كل بشره طبعاً ولكن بعد ما يتحول المفعول هذا شدو روحكم ينزل الجلد ويترهل وحالته حاله تقعدو تعانو ومكالفات جداً يعني مستحيل بتقعدي تجددي كل شويه وتحقني الي امدايرين صفحات وينصحو بيهم اثقو الله ف انفسكم ومعاش تروجو لدكاترة معينين وديرو ف دعايات لانهم صحابكم او ف مصالح مشتركه بينكم عيب راهو ولله يا بنات اعتبروني اختكم بنتكم او حتي امكم عادي لان انقول بنوتاتي ومداماتي نحسكم مسؤولين مني حبيباتي ماتخلو اي واحده تلعب بدماغكم ولله ليهم اضرار وتخلي الشكل مش طبيعي تحسي روحك مشحطه تقول مدبسينك ب مسامير قصدي اوكي نهتمو ب شكلنا ب ماسكات طبيعيه ب كريمات ب تنظيف بشره هذا كله مافي باس الاهتمام ب النفس واجب علينا وانغيرو ف للوك امتاعنا ولكن الي تقولي حقن ماحقن وعملية تجميل انا ضدها تماماً مع اني شخصياً نقدر انديرهم ب البلاش بس مستحيل انغير شكلي بحقن او عملية تجميل يا حبيباتي اهم شي ترضي ع شكلك كيف ما ربي عاطيهولك وتكون عندك ثقه بنفسك اهم شي ولما تشوفي ف المرايا تقولي الحمدالله ع النعمه والذي خلق فسوي الحقن هادي ليها اضرار وتسبب ف شلل العصب السابع ولو تلاحظو الفنانات كلهم عندهم اعوجاج ف فمهم من كثر الحقن زي اليسا ومايا دياب و نوال الزغبي وغيرها؛؛ بجد تحسيهم فيهم الجلطه خاصةً اليسا الوجه ف جيهه والفم ف جيهه تانيه؛؛
- بنوتاتي ومداماتي عيشو كل مرحله عمريه بسعاده حبو انفسكم وارضو عليها باش تقدرو تحبو غيركم ولله نقعد نضحك لما واحده اتقول عمري 20سنه واندير ف فيلر وبوتوكس وبلازما مالا انتي توصلي عمرك 30سنه يولي شكلك زي المسخوط من كثرت هالحقن هادي واذكرو نتائجهم فوريه صح ف نفس الوقت تشوفي الفرق بس مش دائم ابداً وبعد ما يتحول مفعوله يولي الوجه احرف من قبل؛؛
- هادي نصيحه لوجه لله انا لا نبي نفتي ولا نحرم ولا نحلل لاني غير مخوله بهذا وطبعاً كل واحده هي مسؤوله ع خيارتها وطريقة حياتها يعني خودو كلامي ك نصيحه وليس فرض رآئي ع حد لكم حرية الاختيار؛؛
وبس حبيباتي دومتم بصحه وجمال وسعاده ع طول اوووهبكم امووواه….
