كيف تهتمي بشرتك وتفادي حروق الشمس

صباحو فل ع الناس الكل بنوتاتي ومداماتي المزموزات ❤❤
حبيبات قلبي زي ما وعدتكم انزلكم بوست كيف تهتموا ب بشرتكم لما تمشو البحر وتفادي حروق الشمس او معالجتها؛؛

197

  1. اول 3اساسيات هادو زي اسمك تحفظيهم ويكونو عندك لما بتمشي للبحر طاقيه تحميك من الشمس+ نظارات+واقي شمس يكون ضد الميه او التعرق هادو اهم 3 اسياسيات لو فعلاً تبو تحافظو ع بشرتكم من حروق الشمس خلال العوم ف البحر؛؛
  2. تاني شي بنحكي ع واقي ننصحكم بواقي ڤيشي زي الي ف الصوره ممممممتاز جداً جداً عن تجربه فوق الروعه لان غير دهني اول ما تتدهني بيه يتلاشا تماماً ومضاد للتعرق وللماء يعني يقعد معاك من ساعتين ل3 ساعات حمايه ميه ميه وتكون درجة حماية الواقي من 30% الي 50% لا اقل ولا اكثر هادي حمايه مناسبه لجميع انواع البشره والوانها بجد ننصحكم بڤيشي لان ماركة طبيه ممتازه وطبعاً حمايته مزدوجه كيميائيه وفيزيائيه يعني تضمني ترطيب وحمايه عاليه من اشعة الشمس المضره خاصة امتاع القوايل يالطيف الطف؛؛
  3. ثالث شي لما بنروحو من البحر اكيد تعبانين وهلكانين ومتشوشطين من الشمس ننصحكم ب بخاخ الميه المعدينه المهديه للبشره وتلطفها هلبا نستخدم حالياً ف بخاخ آفين روووعه وعندكم موجود حتي ف ماركة لاروشيه بوسي او ماركة ڤيشي اسبواي اكوا رووووعه البخاخ هذا وظيفته يحمي بشرتك من الجفاف والتحسس بعد تعرضك للحراره يعني لو تحسي بوخز ف بشرتك خاصة الجو سخون الايام هادي ننصح بيه يكون رفيق دربكم ف الصيف وع طول يكون ف الثلاجه تبخي بيه اي مكان ف جسمك او وجهك لو حسيتي بجاف او حرقان او التهاب البشره من الحراره تسبب احمرار ع طول تبخي بيه ف اي وقت وزمان ومكان رووووعه انا عالجي حروق الشمس الي تعرضتلها ف شرم الشيخ ننصحكم بيه هلبا وينفع للاطفال هلبا هلبات لان بشرتهم اكثر تحسس من الكبار؛؛
  4. رابع شي هو حبيب القلب مرهم بيبانتين هذا افضل حل لحروق الشمس قبل النوم تدهنو وجهكم او ظهركم يرطب كويس ويحول الطبقه المقشره بعد ما تتعرضو لحروق الشمس ممممممتاز وننصح بيه للاطفال هلبا لان هما اكثر شي يبلبطو ف الميه ههههه فلهذا ضروري يكون متوفر عندكم خودو الي خطه وردي يعني المرهم لان اكثر ترطيب من الكريم خطه سماوي؛؛
  5. خامس شي افضل ماسك لتخفيف حروق الشمس وانا شخصياً هو الي هون عليا هلبا بعد ما خشمي ولا زي بابا سنفور الكارثه انحرقت وما تغيريش لون لبرونز لان بشرتي بارده ننحرق من الشمس بس ما يتغير لون بشرتي فلهذا الزبادي الطبيعي هو الحل لتقشير وتلطيف وعلاج البشره المحروقه من الشمس رووووعه وعادي استعملوه يومياً ما فيش اي خوف وحتي لو بتستعملوه للاطفال عادي مفيد ليهم؛؛
  • ملاحظه واقي الشمس مفروض ع الكل نساء ورجال واطفال ضروري تدهنو بواقي الشمس باش ما تصيرلكم تصبغات وكلف مستقبلياً لانك ما درتي حمايه ليها من الشمس؛؛

وبس يا فلذات تشبدي بوست خفيف معلومات بسيطه بس مفيده جداً الوقت هادي تحتاجوها وك العاده اكيد اووووهبكم امووواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!