‫ تكحيل العين وتتبيثه

صباحكم ورد وزها خاطر بنوتاتي ومداماتي الطرفونات 

حبيبات قلبي اكيد البوست ح يعجبكم لان كل البنات يعانو من تكحيل العيون وهو الكحل يسيح ح نعلمكم طريقه حلوه لثبيت الكحل،،

215

  • اول شي انا نستخدم حالياً ف كحل انقلوت القلم رقم 01 رهيب شمعي بسرعه ما يكحل ما يتعبش العين ف الرسم بجد فظيع هو وجل ايلاينر رقمه 77 وطبعاً هذا الاكثر مبيعاً ف العالم واغلب الارتست المشهورين يستخدمو فيه لان يتميز بثبات عالي وسواده فاحم سوبر بلاك وتقدرو تكحلو بيه داخل العين وترسمو بيه فوق الجفن عادي ممتاز جدا وطبعاً وتر بروف يعني ضدالميه مستحيل يسيحً؛؛ 
  • تاني شي في ناس مهما تاخد من ماركات لقلم الكحل بس لما تحطه ف عينها يسيح انقوللكم المشكله مش ف القلم المشكله من عيونكم علاش لان ف انواع عيون الجفن السفلي امتاعها يفرز دهون اكثر من الطبيعي ف يسيح القلم اي كانت ماركته والمشكله هادي ماما تعاني منها مهما شريتلها من اقلام وماركات معروفه يسيح الكحل يسيح؛؛
  • بس الطريقه لثبيت الكحل وتضمني يقعد معاك طول اليوم هي فكرتها اثبتي الكحل بالباودر او بظل يكون لونه اسود او بني غامق نفس حركة الصوره الي فوق بعد ما كحلت عينها خدت بالفرشه بنسل برش او اي فرشه تساعدك واتبثت فوق الكحل ب ظل لونه اسود او بني او تجي تحت خط الرموش السفليه اثبتيه ب باودر عاديه وتضمني انه مستحيل يسيح القلم ويخلي عيونك نظام الباندا 
  • او قبل ما تكحلي عينك تحطي شوية باودر ع جفن عينك السفلي باش تمتص اي زيوت البشره ويتبث الكحل اكثر ف العين،، 

وبس مزموزاتي بوست خفيف اتمني الافاده للجميع دومتم متآلقات ويومكم سعيد وك العاده اوووووهبكم امووواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Integration by Acurax Social Media Branding Company
error: Content is protected !!