تعليم رسم الايلاينر

معرض الصور
1 صور
تعليم رسم الايلاينر
216

مسائكم جمال بنوتاتي ومداماتي الطرفونات؛؛

حبيبات قلبي بوست اليوم ردا ع سؤال ع طول تسئلوا فيا ياجود رسمة العين ماتجيش مساويه تجي كل واحده من شكل ونمسح ونعاود وووووووو قصص ماليها نهايه تقعدو ب بساعات ف رسم العيون،،

217
ح نقوللكم او انبسطلكم طريقه سهله جداً جداً باش تجي رسمة عينك ساهله ونفس لاين=خط ع العيون الاتنين ركزو معاي ح نشرح الي ف الصوره شني الغرض منهم؛؛

  • طبعاً طريقتي الاوله الي انا نستعمل فيها هي مزيل مكياج من لوريال او اي مزيل انتم مستريحين عليه وعود الاوذان انا ايدي ثابته ف الرسم ما نحتاج اي اداة مساعده نرسم بكل انواع الفرش والايلاينر السائل عادي جداً ولكن بعد مانكمل نبدا انعدل ف لاين يعني خط النهايه كيف مانبي رقيق عريض طويل قصير ناخد عود اوذان ونحط عليه المزيل باش يمتسح معاي ومانلبز عيني ونمسح مية مره تولي جلدة العين حمراء ف المزيل هو الحل الي تبي تعدل ب عود الاوذان بكل سهوله وبعد مانساوي لاين الايلاينر ناخد الاسفنجه البيضه الي ف الصوره هو نوع من انواع القطن هكي يجي زي الاسفنجه من قدام زي ماتشوف تربيعتها رقيقه ودقيقه ف بعد ما عدلت اكيد بيمتسح الكونسيلر=خافي شوي ناخد بودره ونمسح المكان ب الطبطه ب الشويه وعادي لو ما تبيش تستخدمي الاسفنجه تقدري تستعملي فرشة الكونسيلر=خافي لانها رقيقه ودقيقه ولو ماعندك استعملي عوذ الاوذان تاخدي بيه البودره وتمشي ع المكان الي مسحتي منه بشويه بشويه حركه خفيفه والطريقه هادي حلوه بجد انا معتمدها اساسي ف رسمة العين بدون اي تلبيز؛؛
  • طريقه الثانية اكثر شي للناس المبتدئه والي ايديها مش متعوده ترسم الايلاينر وطريقه هادي سهله سهله وغير مكلفه ابداً طبعاً ف لزقه جاهزه خاصة ب للمكياج تنحط تحت العين او زاوية العين ولكن مش موجوده ف ليبيا بس البديل ليها هي زي ماشايفين ف الصوره لصقة جرح سواء الجاهزه او لصقه الروله تقصيها انتي ع كيفك وهي وظيفتها تخليلك خط الايلاينر او الظل مساوي وزي بعض ف العيون تاخدي اللصقه تحطيها ع ايديك قبل باش تخف لصقتها وماتجيش قويه ع جلدة العين تسببلها تجاعيد وتحطي لوس باودر وتلصقيها حاشية العين والطريقه هادي تطلع رسمتك مساويه بدون اي خطآ بعد ماتحوليها تلقي الخط مرسوم صح وكل الزايد طلع ع اللزقه حوليها وديري بودرتك مكان للصقه وتمت الحكايه وزوت الزوايه مافيش اسهل من هكي؛؛
  • احسن وافضل ايلاينر ثابت وعن تجربه؛؛ جل لاينر انقلوت77.ماك .ميكب فورايفر .فورايفر52.ميبلين. نيكس.سيفورا.اتش اند ام.محمود سعيد . قوش.دابالم من احسن الايلاينر الي جربتهم وثبتاتهم قوي؛؛
  • بنعطي معلومه انه لما تبي ترسمي عينك وتجيك مساويه اكثر ارسميها ف الاول ب القلم بعدها مشي ع الرسمه ب الايلاينر،،

وبس حبيباتي دومتم بود واتمني للافاده للجميع اوووهبكم امووواه

ـ فيديوات تعليميه

#فيديو_j لتعليم رسمة العين ب الايلاينر سهل جداً..

A video posted by joodalarab (@j.al.makeup) on

#فيديو_j لتعليم رسم الايلاينر الخطاط?

A video posted by joodalarab (@j.al.makeup) on

#فيديو_j لتعليم رسم العين ب الايشادو وجل ايلاينر رهيب??

A video posted by joodalarab (@j.al.makeup) on

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Widget Powered by Acurax Web Development Company
error: Content is protected !!